خواجہ سعد رفیق نے اپنے خلاف فرد جرم ختم کرنے کی درخواست عدالت میں جمع کروا دی، انہوں نے فرد جرم میں پیرا گون سیکنڈل کے تمام الزامات کو مسترد کر دیا ،عدالت نے خواجہ برادرانکے جوڈیشل ریمانڈ میں 17 ستمبر تک توسیع کر دی

عدالت نےخواجہ برادران کی درخواست پر وکلاکو بحث کےلیےطلب کر لیا ،خواجہ سعد رفیق نے عدالت سے استدعا کر دی کہ میں بے قصور ہوں، قانون کے مطابق فیصلہ کیا جائے.

واضح رہے کہ خواجہ سعد رفیق کو احتساب عدالت میں پیش کیا گیا تھا احتساب عدالت کے جج جواد الحسن کیس کی سماعت کر رہے ہیں.اس موقع پر سیکورٹی کے سخت انتظامات کئے گئے ہیں، ن لیگی کارکنان کو احاطہ عدالت میں داخلے کی اجازت نہیں دی گئی، پولیس کی بھاری نفری تعینات ہے

گزشتہ سماعت پر پیرا گون سوسائٹی کیس ،احتساب عدالت لاہورنے خواجہ برادران پر فرد جرم عائد کی تھی

خواجہ سعد رفیق نے عدالت سے کہا کہ میرے وکیل ابھی موجود نہیں کچھ دیر انتظار کر لیں وکیل ساتھ والی عدالت میں ہیں انہیں آنے دیں ،عدالت نے کہا کہ ہم آپ پر فرد جرم عائد کرتے ہیں ،آپ بتائیں سائن کرنے ہیں یا نہیں؟

احتساب عدالت کےجج جوادالحسن نے سماعت کی، خواجہ برادران کوریفرنس کی نقول فراہم کی گئیں ،خواجہ سعد رفیق اور سلمان رفیق نے صحت جرم سے انکار کر دیا

خواجہ سعد رفیق نے عدالت سے کہا کہ ہمارے وکیل کا انتظار کر لیں، اللہ نے شیطان کو بھی مہلت دی تھی، جس پر عدالت نے کہا کہ فرد جرم عائد کر رہے ہیں، سزا نہیں سنا رہے

خواجہ برادران پر پیرا گون سٹی میں مالی فوائد حاصل کرنے کا الزام ہے،

قطری خط کے بعد قطری ڈیل، کتنے ارب ڈالر کے عوض رہا ہو گا نواز شریف؟ اہم خبر

ضمانت کی درخواست مسترد ہونے کے بعد خواجہ سلمان رفیق بھی ہوئے بیمار

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔