رحیم یارخان : پولیس نے کچے کے ڈاکوؤں کو اسلحہ سپلائی کرنے والے 6 اسمگلر گرفتار کرلیے ۔
باغی ٹی وی: پولیس کے مطابق سندھ پنجاب سرحد داؤ والا پر اسمگلروں کو گرفتار کیا گیا، اسمگلروں کی 2 گاڑیوں سے اسلحہ برآمد کیا گیا اور ملزمان اسلحہ کچے کے ڈاکوؤں کو سپلائی کرنے جارہے تھے،برآمد ہونے والے اسلحہ میں 63 پسٹل، 22 رائفلیں اور 25 ہزار گولیاں شامل ہیں۔
دوسری جانب مستونگ میں 4لاپتہ افراد کے لواحقین کا کوئٹہ کراچی قومی شاہراہ پر دھرنا دوسرے روز بھی جاری ہے، سڑک بلاک ہونے سے گاڑیاں پھنسی ہوئی ہیں، مسافروں کو مشکلات کا سامنا ہے مظاہرین نے کوئٹہ کراچی شاہراہ شمس آباد کراس بلاک کی ہوئی ہے، متعدد گاڑیاں اور مسافر پھنسے ہوئے ہیں، خواتین،بچے،بزرگ اورمریض مسافروں کومشکلات کاسامنا ہے۔
پی سی بی نے الیکشن کمیشن اور سکروٹنی کمیٹی تحلیل کردی
مسافروں کا کہنا ہے کہ عیدکی چھٹیوں کی وجہ سے ہوٹل بھی بند ہیں،کھانے پینے کی اشیا کیلئے پریشان ہیں، دوسری جانب مظاہرین کے انتظامیہ سے مذاکرات ناکام ہوگئے،مظاہرین نے لاپتہ افراد کے منظرعام پر آجانے تک دھرنا جاری رکھنے کا اعلان کیا ہے۔
