دیوبند : جمیعت علمائے ہند نے کشمیرپر بھارتی قبضے اور کشمیریوں پر بھارتی مظالم کی حمایت کرتے ہوئے کہا ہے کہ کشمیر بھارت کا اٹوٹ انگ ہے، جہاں ایک طرف ساری دنیا بھارت کی مکاری اور کشمیریوں پر مظالم کے خلاف بھارت کی مذمت کررہی ہے وہاں جمیعت علمائے بھارت کی حمایت کرکے کشمیریوں پر مظالم کو جواز بخش رہی ہے
پاکستان کے ایک نجی ٹیلی ویژن چینل نے اس حوالے سے انکشاف کرتے ہوئے کہا ہے کہ جمیعت علمائے ہند نے ایک مہم بھی شروع کررکھی ہے. اس مہم میں جمیعت بڑھ چڑھ کر حصہ لے رہی ہے، اس سے پہلے بھی جمیعت علمائے ہند کے بھارت کے حوالے سے اپنے نظریات تھے جمعیت اکھنڈ بھارت کی حامی رہی ہے، تازہ صورت حال میں جمیعت کے کردارسے باقی ہندوستانی مسلمانوں کو سخت تکلیف پہنچی ہے
یاد رہے کہ پاکستان میں مولانا فضل الرحمن کی جماعت جعمیعت علمائے اسلام بھی بھارت کی جمیعت علمائے ہند کا ایک حصہ تصور کیا جاتا ہے. اس بات کا عملی ثبوت مولانا فضل الرحمن کی جماعت اور بھارتی جمیعت علمائے ہند کے درمیان مضوط روابط ہیں ،اس کے علاوہ بھی دونوں ایک دوسرے کو ایک دوسرے کا حصہ سمجھتی ہیں
