ایرانی صدر کی اہلیہ کا پاکستان سویٹ ہوم سنٹر اور نمل یونیورسٹی اسلام آباد کا دورہ

اسلام آباد: ایرانی صدر ابراہیم رئیسی کی اہلیہ نمل یونیورسٹی اسلام آباد پہنچیں جہاں انہوں نے ایرانی صدر کی کتاب کی تقریب رونمائی سے خطاب کیا۔

باغی ٹی وی : یونیورسٹی آمد پر ایرانی صدر کی اہلیہ کا انتظامیہ کی جانب سے پرتپاک استقبال کیا گیا،ایرانی صدر کی اہلیہ نے نمل یونیورسٹی میں بہاراں فیسٹیول کا افتتاح کیا،ایرانی صدر کی اہلیہ نے یونیورسٹی میں مہمانوں کی کتاب پر تاثرات درج کئے،یونیورسٹی انتظامیہ کی جانب سے ایرانی صدر کی اہلیہ کو اعزازی سند دی گئی ،تقریب میں نمل یونیورسٹی کی ایگزیکٹو فیکلٹی اور طلبا نےبھرپور شرکت کی۔

علاوہ ازیں ایرانی صدر کی اہلیہ علم الہدیٰ نے پاکستان سویٹ ہوم سنٹر کا دورہ کیا، رکن قومی اسمبلی آصفہ بھٹو نے ایرانی صدر کی اہلیہ کا استقبال کیا۔

دفترخارجہ کے مطابق انہوں نے یتیم بچوں کو محفوظ اور پرورش کا ماحول فراہم کرنے میں مرکز کے کردار کی تعریف کی،قوم کے کامیاب مستقبل کے لیے نوجوان نسلوں کی حمایت کے اثرات پر بھی روشنی ڈالی، فلسطینی عوام بالخصوص غزہ کے بچوں کے لیے خصوصی دعا کی گئی۔