پاکستان ایران ٹریڈ گیٹ 24 گھنٹوں کیلئے کھول دیا گیا

پاکستان ایران ٹریڈ گیٹ کو مال بردار گاڑیوں کے لیے 24 گھنٹے کھولنے کے احکامات جاری کردئیے گئے ہیں –

باغی ٹی وی: پاکستان ایران ٹریڈ گیٹ تفتان کو مال بردار گاڑیوں کے لیے 24 گھنٹے کھولنے کے احکامات جاری کر دئیے گئے ہیں، اس سلسلے میں کلکٹر کلکٹریٹ آف کسٹم انفورسمنٹ کوئٹہ،ڈائریکٹر فیڈرل انویسٹیگیشن ایجنسی (ایف آئی اے)چیف کلکٹر آف کسٹم،تما اسسٹنٹ کلکٹرز ، چیمبر آف کامرس اینڈ انڈسٹری کوئٹہ بلوچستان ودیگر کو اس بابت درکار اقدامات کی ہدایت کی گئی ہیں، جس پر عمل کرتے ہوئے ایڈیشنل کلکٹر محمد شعیب قاضی کے دستخط گزشتہ دنوں ایک اور آفس آڈرجاری کردیا گیا ہے جس میں پاکستان ایران ٹریڈ گیٹ تفتا ن کو 15 مئی 2024 سے کھولنے کا حکم دیا گیا ہے۔

ٹک ٹاک کا ویڈیوز اپ لوڈ کرنے کے فیچر میں بڑی تبدیلی کا …

چیمبر آف کامرس اینڈ انڈسٹری کے رہنماؤں کا کہنا تھا کہ پاکستان ایران ٹریڈ گیٹ کی فعالی سے اب مال بردار گاڑیوں کی آمد و رفت بلا کسی تاخیر کے جاری رہے گی اور دوطرفہ تجارت بلا تعطل جاری رہے گا، پہلے یومیہ بنیادوں پر چند گھنٹوں کےلئے ٹریڈ گیٹ کھول دیا جاتا جس کی وجہ سے بارڈر کے دونوں جانب مال بردار گاڑیوں کا رش لگا رہتا اور گاڑیوں کو آمد و رفت اور کلیئرنس میں ہفتے لگ جاتے جس سے قانونی تجارت پر قد غن لگ جاتی اور امپورٹ و ایکسپورٹ کے شعبوں سے منسلک افراد کو کوفت اور پریشانی کا سامنا رہتا تھا۔

سات ستارے دریا فت جن پر کوئی انتہائی ذہین مخلوق ہوسکتی ہے،ماہرین فلکیات کا دعویٰ

واضح رہے کہ پہلے صرف سہہ پہر تک بارڈر پر گاڑیوں کی آمد و رفت ہوا کرتی تھی جس کی وجہ سے بارڈر پر ہزاروں گاڑیاں پھنس جاتی تھی اور امپورٹ و ایکسپورٹ کا مال خراب ہو جاتا تھا۔