بیجنگ: چین کے ایک پرائمری سکول میں چاقو بردار 45 سالہ خاتون نے بچوں اور اساتذہ پر حملہ کردیا۔
چینی میڈیا کے مطابق چین کے وسطی صوبے جیانگسی کے شہر گوئیسی میں واقع ایک پرائمری سکول میں خاتون نے پھل کاٹنے والے چاقو سے حملہ کیا پولیس نے ملزمہ کو گرفتار کرلیا جب کہ جائے وقوعہ سے ایک درجن سے زائد افراد کو شدید زخمی حالت میں اسپتال منتقل کیا گیا ،جہاں دو زخمیوں نے دوران علاج زخموں کی تاب نہ لاتے ہوئے دم توڑ دیا جب کہ 4 افراد کی حالت نازک ہونے کے سبب ہلاکتوں میں اضافے کا خدشہ ہے 6 افراد کو معمولی چوٹیں آئی ہیں۔
پولیس نے زیر حراست خاتون کی شناخت عرفیت ’’پان‘‘ کے نام سے ظاہر کی ہے تفتیشی عمل جاری ہے تاہم اب تک واقعے کے محرکات کا اندازہ نہیں لگایا جا سکا ہے اس واقعے میں ہلاک اور زخمی ہونے والوں کی شناخت ظاہر نہیں کی گئی اور یہ بھی نہیں بتایا گیا کہ ان میں کتنے طالب علم تھے۔
مسنگ پرسنز کے حوالے سے کچھ سفارشات کمیٹی نے مرتب کر رکھی ہیں،وزیر قانون
عالمی عدالت انصاف ، اسرائیلی وزیراعظم،وزیر دفاع،حماس رہنماؤں کے وارنٹ کی استدعا
چین میں حالیہ مہینوں میں چاقو سے حملوں میں اضافہ دیکھا گیاہے مئی میں جنوبی صوبے یونان کے ایک ہسپتال میں ایک شخص نے چاقو کے وار کر کے دو افراد کو ہلاک اور 21 کو زخمی کر دیا تھا گزشتہ سال اگست میں یونان کے ایک رہائشی ضلع میں دماغی بیماری میں مبتلا ایک شخص کے لوگوں پر چاقو سے حملہ کرنے کے بعد دو افراد ہلاک اور سات زخمی ہو گئے تھے اسی سال جولائی میں جنوب مشرقی صوبے گوانگ ڈونگ میں ایک کنڈرگارٹن میں چھریوں کے وار سے تین بچوں سمیت چھ افراد ہلاک ہو گئے تھے۔
