کراچی، سنٹرل جیل کے قریب ڈکیتی کی واردات

شہر قائد کراچی میں چوری و ڈکیتی کی وارداتیں بڑھ گئی ہیں، عید کے موقع پربھی شہری لٹتے رہے،کراچی میں سینٹرل جیل کے قریب کار سوار ملزمان نے ایک فیملی کو اسلحہ کے زور پرلوٹ لیا

شہری کے مطابق سنٹرل جیل کے قریب کار سوار ڈاکو آئے اور انہوں نے مجھ سے اور میری اہلیہ سے موبائل فون، نقدی اور پرس اسلحہ کے زور پر چھین کر فرار ہو گئے،اطلاع پر پولیس موقع پر پہنچ گئی، پولیس حکام کے مطابق ملزمان کو جلد گرفتارکیا جائے گا، ملزمان نے جو کار واردارت میں استعمال کی وہ بھی چوری کی ہی ہے.

واضح رہے کہ کراچی میں عید کے موقع پر درجنوں وارداتیں ہوئی ہیں، دن دہاڑے ڈاکو شہریوں کو لوٹتے رہے، گلستان جوہر میں ڈاکوؤں نے بکروں سے بھرا ٹرک لوٹ لیا تھا، ٹرک میں 30 کے قریب بکرے فروخت کے لیے حیدرآباد سے فروخت کے لیے کراچی لائے گئے تھے، سائٹ ایریا میں ایک دکان پر ڈکیتی کی واردارت ہوئی، لانڈھی میں شہری کو موٹر سائیکل سواروں نے لوٹ لیا، اختر کالونی میں خواتین کو لوٹا گیا.