فرانس یلوجیکٹ والوں کے 44 ویں ہفتے بھی احتجاجی مظاہرے

پیرس : یلو جیکٹ تحریک کے حامیوں نے مسلسل چوالیسویں ہفتے بھی ملک کے مختلف شہروں منجملہ نانت میں احتجاجی مظاہرے کئے اور حکومت کی اقتصادی پالیسیوں پر اپنی شدید ناراضگی کااظہار کیا۔

فرانس کے دارالحکومت پیرس میں بھی شہر کے اندر جبکہ اورلی ہوائی اڈے پر بھی مظاہرہ کیا گیا تاکہ ان کی صدائے احتجاج ان مسافروں تک بھی پہنچے جو بیشتر یورپی ملکوں سے تعلق رکھتے ہیں۔ فرانس میں یلوجیکٹ تحریک کے حامیوں کے چوالیسیوں ہفتے یہ احتجاجی مظاہرے ایک ایسے وقت ہوئے ہیں جب ایک روز قبل جمعے کو دارالحکومت پیرس میں ٹرانسپورٹروں کی ہڑتال سے پورا شہر مفلوج ہوکر رہ گیا تھا۔

دوہزار سات کے بعد سے فرانس میں ٹرانسپورٹروں کی یہ سب سے بڑی ہڑتال تھی۔ یہ ہڑتال بھی حکومت کی اقتصادی پالیسیوں کے خلاف کی گئی تھی، یا د رہے کہ بعض فرانسیسی سابق سیکورٹی اہلکاروں نے خدشہ ظاہر کیا ہے کہ ان مظاہروں کے پیچھے امریکہ کا ہاتھ ہے اور وہ فرانس کو کمزور دیکھنا چاہتا ہے