قصور،باغی ٹی وی (بیوروچیف غنی محمود)پیٹرولیم مصنوعات کی قیمتوں میں اضافے پر عوام کا سخت ردعمل،شدید غم و غصہ
تفصیلات کے مطابق وفاقی حکومت رات کی تاریکی میں غربت اور مہنگائی کی ماری سوئی ہوئی عوام پر ایک اور مصیبت ڈال دی جس کے باعث پہلے سے بمشکل سانسیں لیتی عوام کی سانسیں مزیڈ اکھڑنے لگی ہیں
حکومت نےپیٹرولیم مصنوعات کی قیمتوں میں بڑا اضافہ کیا ہے،پیٹرول کی قیمت میں 9 روپے 99 پیسے فی لیٹر اور ڈیزل کی قیمت میں 6 روپے 18 پیسے فی لیٹر اضافہ کیا گیا ہے جس کے باعث عوام کا سخت ردعمل سامنے آیا ہے اور عوام کا کہنا ہے کہ عیاش حکمران سارا بوجھ عوام پر ڈالتے ہیں نہ تو اپنا پروٹوکول ختم کرتے ہیں نہ ہی اپنی مراعات کم کرتے ہیں
شہریوں کا کہنا ہے کہ پیٹرولیم مصنوعات کی قیمتوں میں اضافے سے مہنگائی کا نیا طوفان آئے گا جس سے غریب کا جینا مشکل تر ہو جائے گا
حکمران ہوش کے ناخن لیں اور عوام کو قربانی کا بکرا بنانے کی بجائے اپنی عیاشیاں کم کریں تاکہ ثابت ہو سکے کہ حکمران واقعتاً عوام کے خیر خواہ ہیں
