لاہور میں جرمن سیاح لٹ گیا، ڈاکوؤں نے کیا تشدد
![siah](https://baaghitv.com/wp-content/uploads/2024/08/siah-ha-905x613.png)
پنجاب کے صوبائی دارالحکومت لاہو رمیں چوری و ڈکیتی کی وارداتیں بڑھ چکی ہیں، جرمنی سے سائیکل پر پاکستان آنے والا سیاح بھی ڈاکوؤں سے نہ بچ سکا، ڈاکوؤں نے نہ صرف سیاح کو لوٹا بلکہ تشدد کا نشانہ بھی بنایا
پولیس حکام کے مطابق جرمن سیاح سے ڈکیتی کا واقعہ ایئر پورٹ کے قریب پیش آیا، جرمنی کا 27 سالہ برگ فلورائن جرمنی سے سائیکل پر پاکستان پہنچا تھا،جرمن سیاح کیمپ لگا کر سڑک کے کنارے سو رہا تھا کہ اسی دوران ڈاکوؤں نے واردات کی، جرمن سیاح کو سوتے ہوئے اٹھا کر اس کو لوٹ لیا گیا، اس دوران اس پر تشدد بھی کیا گیا،ڈاکو جرمن سیاح سے اسکے پاس موجود نقدی، موبائل فون چھین کر فرار ہونے میں کامیاب ہو گئے، پولیس حکام کے مطابق جرمن سیاح کی درخواست پر تھانہ شمالی چھاؤنی پولیس نےکارروائی شروع کر دی ہے
جرمن سیاح شمالی علاقہ جات کا دورہ کر کے دو ہفتے قبل لاہور پہنچا تھا، جرمن سیاح اس دوران لاہو ر کے مختلف علاقوں میں سڑک کے کنارے کیمپ لگا کر قیام کرتا تھا،
ڈی آئی جی آپریشنز محمد فیصل کامران نے واقعے پر ایس پی کینٹ سے رپورٹ طلب کرتے ہوئے فوری طور پر ملزمان کی گرفتاری کے احکامات جاری کیے ہیں،
ایک صارف نے ایکس پر پوسٹ کرتے ہوئے کہا کہ شہر میں اب غیر ملکی جرمن شہری بھی محفوظ نہیں، شرم کا مقام ہے، کینٹ ڈویزن کے ایس ایچ اوز کرائم کنٹرول کرنے میں ناکام، جو کہ اصل ناکامی ایس پی اویس شفیق کی ہے، مگر صاحب بہادر سے کون پوچھے گا
شہر میں اب غیر ملکی جرمن شہری بھی محفوظ نہیں، شرم کا مقام ہے، کینٹ ڈویزن کے ایس ایچ اوز کرائم کنٹرول کرنے میں ناکام، جو کہ اصل ناکامی ایس پی اویس شفیق کی ہے، مگر صاحب بہادر سے کون پوچھے گا@MaryamNSharif @ImranRiazKhan @ImranKhanPTI @digopslahore @ccpolahore @OfficialDGISPR pic.twitter.com/Z4SaRADBOy
— RANA FARAN YAMIN ADV (@Faranyaminadv) August 3, 2024