وزیر اعلیٰ پنجاب مریم نواز شریف نے طلبہ کے لیے ای بائیک پراجیکٹ کی قسطوں کی کم از کم رقم مقرر کرنے کی ہدایت جاری کی ہے۔ مریم نواز کا کہنا ہے کہ پنجاب طلبہ کو سہولیات فراہم کرنے میں ہمیشہ لیڈ کرے گا اور یہ اقدام طلبہ کی زندگیوں میں اہم تبدیلی لائے گا۔تاریخ میں پہلی بار، چیف منسٹر یوتھ انیشیٹو کے تحت پنجاب میں طلبہ کے لیے ای اور پٹرول بائیکس فراہم کی جا رہی ہیں۔ وزیر اعلیٰ پنجاب نے اس پراجیکٹ کو طلبہ کے لیے آسانیاں پیدا کرنے کا وعدہ کیا ہے، اور ان کا کہنا ہے کہ ذاتی سواری طلبہ کے پیسے اور وقت کی بچت میں مددگار ثابت ہوگی۔
مریم نواز نے اس بات پر بھی زور دیا کہ وقت کی بچت اور سفر میں آسانی طلبہ کی تعلیمی استعداد کار میں بہتری کا سبب بنے گی۔ اس پراجیکٹ کے تحت، والدین کے سایہ سے محروم طلبہ کے لیے ای بائیک سکیم میں والدین کی گارنٹی کی شرط ختم کر دی گئی ہے۔ پنجاب کو عالمی سطح پر الیکٹرک ٹرانسپورٹ کے میدان میں آگے بڑھانا ہماری کوشش ہے۔اس کے علاوہ، پنجاب بھر میں ای بائیکس کی چارجنگ کے لیے سولرائزڈ چارجنگ اسٹیشن قائم کیے جائیں گے، اور طلبہ کے لیے ای بائیک کی بیٹری کی انشورنس اور وارنٹی بھی فراہم کی جائے گی۔ بائیکس کے ساتھ ہیلمٹ اور کائٹ پروٹیکشن کا استعمال بھی لازمی قرار دیا گیا ہے۔وزیر اعلیٰ پنجاب نے مزید کہا کہ طلبہ کو آمدورفت میں آسانی فراہم کرنے کے لیے ای بائیک کا اقدام خوش آئند ہے۔ اس اقدام سے سموگ اور ماحولیاتی آلودگی میں کمی آئے گی، اور کالجوں اور یونیورسٹیوں میں سولرائزڈ چارجنگ اسٹیشن بھی قائم کیے جائیں گے۔
Shares:
