یو اے ای قونصلیٹ کراچی میں جشن آزادی کی تقریب،آصفہ مہمان خصوصی

یوم آزادی پاکستان کے موقع پر یو اے ای قونصلیٹ کراچی میں جشن آزادی کی مناسبت سے تقریب منعقد ہوئی

تقریب میں صدرِ مملکت آصف علی زرداری کی صاحبزادی، خاتون اوّل پاکستان آصفہ بھٹو زرداری اور ہمشیرہ فریال تالپور نے خصوصی طور پر شرکت کی،تقریب میں یو اے ای اور پاکستان کے مابین بہتر تعلقات کے فروغ میں معاون مختلف شخصیات کو اعلیٰ کارکردگی کے سرٹیفکیٹس تقسیم کیے گئے،اس موقع پر تقریب سے خطاب کرتے ہوئے آصفہ بھٹو زرداری کا کہنا تھا کہ متحدہ عرب امارات اور پاکستان کے مابین دیرینہ اور انتہائی مضبوط تعلقات گزشتہ کئی دہائیوں پر محیط ہیں۔

تقریب میں پاکستان کے جشنِ آزادی کی مناسبت سے اماراتی وزیر برائے بین المذاہب نہیان بن مبارک کا خصوصی پیغام نشر کیا گیا،تقریب میں صحت، تعلیم، کھیل، صحافت، موسمیاتی تبدیلی میں اپنا کردار ادا کرنے والوں، ہوابازی اور ثقافت سمیت مختلف شعبہ زندگی سے تعلق رکھنے والی شخصیات کو تعریفی اسناد دی گئیں

یو اے ای کی ترقی میں پاکستانیوں کا کلیدی کردار ، دونوں ممالک کی دوستی تاحیات برقرار رہے گی،قونصل جنرل امارات کراچی بخیت عتیق الرومیتی
گرین پاکستان مہم میں خاتونِ اوّل آصفہ بھٹو اور فریال تالپور نے بطور مہمان خصوصی شرکت کی اور گرین پاکستان اینیشیٹو کے تحت یو اے ای قونصلیٹ میں پودا بھی لگایا،اس موقع پر قونصل جنرل بخیت عتیق الرومیتی نے کہا کہ موسمیاتی تبدیلی سے مقابلہ کرنے کے لیے ملک بھر میں درخت لگانے چاہئیں، ہر شہری کو چاہیے کہ وہ اس مہم کا حصہ بنے اور اپنے حصے کا پودہ ضرور لگائے ،قونصل جنرل امارات کراچی بخیت عتیق الرومیتی کا کہنا تھا کہ پاکستان اور یو اے ای کے مابین 6 دہائیوں سے برادرانہ تعلقات ہیں، یو اے ای کی ترقی میں پاکستانیوں کا کلیدی کردار ہے، دونوں ممالک کی دوستی تاحیات برقرار رہے گی۔

تقریب کے دوران قرعہ اندازی بھی کی گئی، قرعہ اندازی کے لیے آصفہ بھٹو زرداری کو بلایا گیا ، انہوں نے پرچی نکالی تو وہ‌آصفہ بھٹو کے نام کی ہی نکلی،آصفہ کے ہاتھوں سے نکلنے والی پرچی پر جب ان کا اپنا ہی نام نکل آیا تو ہال قہقہوں سے گونج اُٹھا ،آصفہ نے اپنے نام کے دبئی ریٹرن ہوائی ٹکٹ کی اس پرچی کو منسوخ کر کے دوسرے مہمان کو یہ انعام لینے کا موقع دیا

آزادی کو عزت و وقار کے ساتھ محفوظ رکھنے کے عزم کا اعادہ کرتے ہیں،سروسز چیفس

یوم آزادی پاکستان،ہر طرف سبزہلالی پرچموں کی بہار

قوم کا پاک فوج پر غیر متزلزل اعتماد ہمارا سب سے قیمتی اثاثہ ہے،آرمی چیف

فیض حمید "تو توگیا”،ایک ایک پائی کا حساب دینا پڑے گا، مبشر لقمان

فیض حمید کی گرفتاری،مبشر لقمان نے کیا کئے تھے تہلکہ خیز انکشافات

بریکنگ،فیض حمید گرفتار،کورٹ مارشل کی کاروائی شروع

پاکستان کے 78ویں یوم آزادی کے موقع پر ملک بھر میں جشن و مسرت کا سماں

صدر مملکت آصف علی زرداری کا یوم آزادی پر قوم سے عزم: پاکستان کو خوشحال بنانے کا عہد

پاکستان کے 78 ویں یوم آزادی کے موقع پر ملک بھر میں جشن و مسرت کا سماں ہے۔ 14 اگست کی آمد کے ساتھ ہی پاکستان کے ہر شہر، ہر گاؤں میں خوشی کی لہر دوڑ گئی ہے۔ملک کے طول و عرض میں سبز ہلالی پرچموں کی بہار نظر آ رہی ہے۔ عمارتوں، گھروں، دکانوں اور گاڑیوں پر قومی پرچم لہرا رہے ہیں، جو قومی یکجہتی اور وطن سے محبت کا عکاس ہیں۔یوم آزادی کے اس جشن نے ایک بار پھر پاکستانیوں کو اپنے ملک سے محبت اور اس کی آزادی کی اہمیت کا احساس دلایا ہے۔ یہ دن ہمیں یاد دلاتا ہے کہ آزادی ایک انمول نعمت ہے اور اسے برقرار رکھنے کے لیے ہمیں مل کر کام کرنا ہوگا۔