ڈیرہ غازیخان:ڈپٹی کمشنر شہر کو صاف ستھرا بنانے کیلئے متحرک،نکاسی آب،صفائی کا معائنہ کیا

ڈیرہ غازی خان (باغی ٹی وی رپورٹ)ڈپٹی کمشنر نے شہرکادورہ کرکےنکاسی آب اور صفائی کا معائنہ کیا،شہری علاقوں میں پانی کی نکاسی اور صفائی کا کام تیز کرنے کے احکامات

تفصیل کے مطابق وزیر اعلیٰ پنجاب کے احکامات کی روشنی میں، ڈپٹی کمشنر مہر شاہد زمان لک نے شہر کے مختلف علاقوں میں نکاسی آب اور صفائی کے نظام کا معائنہ کیا ہے۔

ڈپٹی کمشنر نے بھٹہ کالونی سمیت متعدد علاقوں کا دورہ کیا اور نکاسی آب کے سست نظام پر شدید ناراضگی کا اظہار کیا۔ انہوں نے متعلقہ افسران کو فوری طور پر کام کی رفتار تیز کرنے کے احکامات جاری کیے۔

اس کے علاوہ، کم وزن روٹی بیچنے والے ہوٹل مالکان، سڑک پر گندگی پھینکنے والے دکاندار اور بلا اجازت سڑک کھودنے والے بریانی شاپ کے مالک کو بھی گرفتار کرایا گیا۔ ڈپٹی کمشنر نے شہریوں سے اپنا تعاون کرنے اور صفائی ستھرائی کا خیال رکھنے کی اپیل کی۔

انہوں نے کہا کہ شہر کو صاف ستھرا رکھنا حکومت کی اولین ترجیح ہے اور اس سلسلے میں کسی بھی قسم کی کوتاہی برداشت نہیں کی جائے گی۔