جو ریاست پاکستان کو تسلیم کرتے ہیں، ان سے مذاکرات ہوسکتے ہیں،اسحاق ڈار
![ishaq dar](https://baaghitv.com/wp-content/uploads/2024/06/ishaq-dar-parlimnt-905x613.png)
نائب وزیراعظم اسحاق ڈار نے سینیٹ اجلاس میں خطاب کرتے ہوئے کہا ہے کہ جو ریاست پاکستان کو تسلیم کرتے ہیں، ان سے مذاکرات ہوسکتے ہیں
اسحاق ڈار کا کہنا تھا کہ بلوچستان میں جو کچھ بھی ہوا اس پر ہر پاکستانی رنجیدہ ہے، بلوچستان ہمارے دل کے قریب ہے لیکن ہمیں مل کر آگے بڑھنا چاہیے ،وزیر داخلہ بلوچستان پہنچ گئے ہیں ، وزیر اعظم بھی کل جا رہے ہیں، کبھی سیاسی عدم استحکام پیدا کیا جاتا ہے تاکہ پاکستان معاشی طور پر آگے نہ بڑھ سکے ، ہمیں سیاست سے بالا تر ہو کر مسائل کا حل تلاش کرنا چاہیے،ناراضگی کے نام پر بات تب ہوگی جب پاکستان کے جھنڈے کو تسلیم کرنا ہوگا،ناراضگی کے نام پر دہشتگردی کرنے والوں کو ریاست کو تسلیم کرنا ہوگا،یہ کونسی ناراضگی ہے جس میں ریاست نہیں ہے،یہ ملک ہم سب کا ہے ، ہم سب نے ہی اس کو بچانا اور مضبوط بنانا ہو گا،
شبلی فراز کاکہنا تھا کہ بلوچستان بدل چکا ہے، بلوچستان میں نوجوان ہیں انکی مختلف ڈیمانڈ ہیں، آج کل کی ینگ جنریشن بلیک اینڈ وائیٹ کو دیکھتی ہے، ہم جیسے لوگ گرے ایریاز میں پھرتے تھے،عوام کے مسائل کے حل کیلئے عوام سے بات کرنی چاہیے، بلوچستان میں جو ماحول بن گیا ہے وہ بلوچستان نہ پاکستان کے حق میں ہے،بلوچستان میں الیکشن کا کچھ اور ہی لیول تھا اسی لیے وہاں اضطراب پایا جاتا ہے،
بلوچستان حملوں پر پارلیمنٹ کا بند کمرہ اجلاس بلایا جائے،رضا ربانی
ایک بلوچی کے طور پر میرا چہرہ بری طرح مسخ ہوا ،سینیٹر کامران مرتضیٰ
سینیٹر کامران مرتضیٰ کا کہنا ہے کہ بلوچستان میں جس طرح 25 اور 26 کی رات نسل اور زبان کی بنیاد پر قتل عام ہوا ہے یہ بہت بڑا ظلم ہے۔ ایک بلوچی کے طور پر میرا چہرہ بری طرح مسخ ہوا ہے اور یہ طعنہ آنیوالے برسوں تک میرے ساتھ جڑا رہے گا کہ رنگ نسل اور زبان کی بنیاد پر لوگوں کو گاڑیوں سے اتار کر مارا گیا۔ میں اس تکلیف کو نہیں بھول سکتا،یہ ایک بہت بڑا ظلم ہوا ہے، میرا خیال تھا کہ ہاؤس اس پر بات کرے گا لیکن قومی اسمبلی میں کسی نےبات نہیں کی،یہاں سینیٹ میں بھی بات نہیں ہو رہی،کیا یہ وقت آ گیا ہے ، ہم کتنے گرگئے ہیں کہ ایسے واقعات پر خاموش رہیں، جو مزدوری کرنے گئے تھے وہ مار دیئے گئے، ہم نے کوئی گنجائش نہیں چھوڑی، جب اس طرح قتل عام ہو گا تو وہاں کوئی کاروبار نہیں کرنے جائے گا ،وفاقی ایجنسیاں کیا کر رہی ہیں.
وزیر قانون اعظم نذیر تارڑ نے اظہار خیال کرتے ہوئے کہا کہ چوہدری امتیاز کو کل اسمبلی لایا گیا، انکے پروڈکشن آرڈر جاری ہوئے تھے، ان پر مقدمہ بھی اینٹی کرپشن کا ہے،بڑے ادب سے کہہ رہا ہوں کہ ہم جیسے پڑھیں گے ویسے پڑھائیں گے ایسی بات بالکل نہیں، اس ایوان کا وقار،اراکین کا تحفظ ہونا چاہئے،
بلوچستان میں دہشتگردانہ حملے اور بھارتی میڈیا کا شرمناک کردار بے نقاب
وقت آ گیا ہے دہشت گردوں کا مکمل خاتمہ کیا جائے،وزیراعظم
بلوچستان میں دو بھائیوں سمیت لیہ کے 4 شہری نشانہ بنے
بلوچستان، 21 دہشت گرد جہنم واصل،14 جوان شہید
بلوچستان،جوابی کاروائی میں 12 دہشت گرد جہنم واصل
قلات :فائرنگ سے پولیس انسپکٹر،لیویز اہلکاروں سمیت 10 کی موت
بارکھان،راڑہ شم کے مقام پر بسوں سے اتار کر 23 افراد قتل،10 گاڑیاں نذر آتش
ماہ رنگ بلوچ کا احتجاج ،دھرنا عوام نے مسترد کر دیا
ماہ رنگ بلوچ پیادہ،کر رہی ملک دشمنوں کے ایجنڈے کی تکمیل
مظاہرین کے گوادر جانے کا مقصد تھا کہ سی پیک کو روک دیں،وزیراعلیٰ بلوچستان
گوادر میں پر تشدد ہجوم کا سیکیورٹی فورسز پر حملہ،ایک شہید،افسر سمیت 16 فوجی جوان زخمی
کسی بلیک میلنگ میں آکر قومی سلامتی داو پر نہیں لگا سکتے،وزیر داخلہ بلوچستان
ماہ رنگ بلوچ کا مارچ ناکام: بلوچستان میں اسمگلرز مافیا کی سازش بے نقاب
مسنگ پرسن کے نام پر بلوچ یکجہتی کمیٹی کی ملک دشمنی،ماہ رنگ بلوچ کا گھناؤنا منصوبہ