دبئی: آئی سی سی ویمنز ٹی ٹوئنٹی ورلڈکپ ٹرافی کل 18 ستمبر کو پاکستان پہنچے گی،آئی سی سی ویمنز ٹی ٹوئنٹی ورلڈ کپ 3 اکتوبر سے متحدہ عرب امارات میں شروع ہو رہا ہے-
باغی ٹی وی : پروگرام کے مطابق آئی سی سی ویمنز ٹی ٹوئنٹی ورلڈکپ ٹرافی کل لاہور پہنچ گی جہاں سے اسے ملتان منتقل کر دیا جائے گا جہاں کل پاکستان اور جنوبی افریقا کی ویمن ٹیموں کے درمیان ہونے والے دوسرے ٹی ٹوئنٹی میچ کے موقع پر اسے اسٹیڈیم میں نمائش کے لیے رکھا جائے گا۔
بعد ازاں 19 ستمبر کو ٹرافی کو فیصل آباد لے جایا جائے گا، ٹرافی کی چیمپئنز ون ڈے کپ کے موقع پر اقبال اسٹیڈیم فیصل آباد میں نمائش کی جائے گی جبکہ ٹرافی کی فیصل آباد میں 20 ستمبر کو مختلف مقامات پر بھی نمائش کی جائے گی ٹرافی 21 ستمبر کو پاکستان کا ٹور مکمل کر کے واپس دبئی جائے گی۔
زیر سمندر "آبدوز ٹائٹن ” سے بھیجاگیا آخری پیغام اور ملبے کی تصویر جاری
پنجاب کابینہ اجلاس،غیر قانونی اسلحہ اورپتنگ بازی پر سزائیں اورجرمانہ بڑھا دیا گیا
دوسری جانب چیمپئنز ٹرافی 2025ء کے سلسلے میں انٹرنیشنل کرکٹ کونسل کا وفد آج رات کراچی پہنچے گا آئی سی سی کا وفد کراچی میں نیشنل اسٹیڈیم، لاہور میں قذافی اسٹیڈیم اور پنڈی کرکٹ اسٹیڈیم کا بھی دورہ کرے گا آئی سی سی کا وفد سیکیورٹی اور دیگر امور کا جائزہ لے گا اور یہ وفد اپنا دورہ مکمل کرنے کے بعد اپنی رپورٹ مرتب کرے گا۔
