ممتاز حیدر
وزیرِاعظم محمد شہباز شریف سے آج روس کے نائب وزیرِاعظم الیکسی اوورچوک نے ملاقات کی۔
وزیرِاعظم شہباز شریف نے نائب وزیرِاعظم اوورچک اور ان کے وفد کا وزیرِاعظم ہاؤس میں خیرمقدم کیا۔روسی نائب وزیرِاعظم سے گفتگو کرتے ہوئے وزیرِاعظم نے کہا کہ روس کے ساتھ مضبوط تعلقات پاکستان کی خارجہ پالیسی کی اہم ترجیحات میں سے ہے۔ وزیرِاعظم نے کہا کہ پاکستان روس کے ساتھ تجارتی، اقتصادی، توانائی، مواصلات اور سیکیورٹی تعاون کو وسعت دینے کا خواہشمند ہے۔ انہوں نے مزید کہا کہ وہ اگلے ماہ اسلام آباد میں روسی وزیرِاعظم جناب مشسٹن کے استقبال کے منتظر ہیں۔ وزیرِاعظم نے کہا کہ اس سال جولائی کے اوائل میں ان کی صدر ولادیمیر پیوٹن کے ساتھ انتہائی نتیجہ خیز بات چیت ہوئی تھی، انہوں نے دوطرفہ تعاون میں مزید توسیع پر بات چیت کے لیے اعلیٰ سطحی وفد بھیجنے پر صدر پیوٹن کا شکریہ ادا کیا۔
روسی نائب وزیرِاعظم اوورچک نے پرتپاک استقبال پر وزیرِاعظم کا شکریہ ادا کیا اور روس کے پاکستان کے ساتھ تعلقات کو مزید مستحکم کرنے کے عزم کا اعادہ کیا۔ انہوں نے پاکستان اور روس کے تعلقات کو تعمیری اور باہمی طور پر مفید قرار دیا، دونوں فریقین نے باقاعدہ رابطے برقرار رکھنے پر بھی اتفاق کیا۔وزیرِاعظم شہباز شریف اور روسی نائب وزیرِاعظم نے روس اور پاکستان کے درمیان مفاہمت کی یادداشت پر دستخط کی تقریب میں بھی شرکت کی۔ اس مفاہمتی یادداشت کے تحت مشترکہ مفاد کے تمام شعبوں بالخصوص تجارت، سرمایہ کاری، توانائی، آئی ٹی، زراعت، سائنس و ٹیکنالوجی اور تعلیم میں تعاون کو فروغ ملے گا۔
دوسری جانب وفاقی وزیر تجارت جام کمال خان اور وفاقی وزیرقومی غذائی تحفظ رانا تنویر حسین کی روسی نائب وزیر زراعت سے اہم ملاقات ہوئی ہے، ملاقات کے دوران پاکستان اور روس کے درمیان زرعی شعبے میں دوطرفہ تجارت بڑھانے پر تبادلہ خیال کیا گیا، دونوں ممالک نے تجارتی تعلقات کو مزید مضبوط بنانے کے عزم کا اظہار کیا،ملاقات کے دوران پاکستانی اور روسی وفود کے درمیان سووینئرز کا تبادلہ ہوا، ملاقات میں پاکستان اور روس کے درمیان زرعی تجارت میں تعاون کو فروغ دینے پر اتفاق کیا گیا.
ہوسکتا ہے جنرل فیض حمید اندر یہ گانا گا رہے ہوں کہ آ جا بالما تیرا انتظار ہے، خواجہ آصف
بل پیش کرنے سے پہلے کابینہ سے منظوری لازمی ہے،بیرسٹر گوہر
وفاقی حکومت کا علیحدہ آئینی عدالت کے قیام کا منصوبہ
پارلیمنٹ کو کوئی بھی آئینی ترمیم کرنے کا اختیار ہے،احسن بھون
لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے
پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے
