لاہور: بااثر شخصیت کے بیٹے سے تلخ کلامی پر ایس پی سمیت پولیس کے تین افسران کو عہدوں سے ہٹادیا گیا ہے۔
باغی ٹی وی : تفصیلات کے مطابق 21 ستمبر کو پی ٹی آئی جلسے کے روز رنگ روڈ پر عارف شہید انٹرچینج کے قریب کینٹینرز لگا کر راستہ بند کیا گیا تھا اعلی افسران کے حکم پر وہاں سے کسی کو گزرنے کی اجازت نہیں تھی اور ٹریفک کو متبادل راستوں سے چلایا جارہا تھااسی دوران ایک اہم شخصیت کے بیٹا اپنی گاڑی پر وہاں سے گزرنے لگا جس کو راستے بند ہونے کا بتایا گیا جس پر تلخ کلامی ہوئی ۔
رپورٹس کے مطابق اعلی پولیس حکام کی ہدایت پر ڈی آئی جی آرگنائزڈ کرائم یونٹ لاہور عمران کشور نے انکوائری کی، انکوائری کے بعد میں تین افسران ایس پی، ڈی ایس پی اور ایس ایچ او کو عہدے سے ہٹا دیا گیا،ایس پی سکیورٹی ڈویژن لاہور خالد محمود افضل ، ڈی ایس پی کاہنہ انویسٹی گیشن سرکل راجہ فخر کو کلوز کر دیا گیا ہے جبکہ ایس ایچ او مسلم ٹاؤن محمد ندیم کمبوہ کو بھی عہدے سے ہٹا دیا گیا ہے۔
