انڈونیشیا کے مختلف صوبوں میں تقریباً دو ماہ سے جاری جنگلات میں آگ لگانے کے الزام 185 افراد حراست میں لے لیے گئے ہیں۔
ایمزون جنگلات میں آگ، برازیل نے اہم اعلان کردیا
نیشنل سیکورٹی دفتر کے ترجمان دیدی پراستیو کے مطابق 6 صوبوں میں جنگلات میں لگنے والی آگ کے حوالے سے تحقیقات جاری ہیں۔
اس سلسلے میں 185 افراد کو حراست میں لیتے ہوئے ان کے بیانات قلم بند کیے گئے ہیں اور جرم ثابت ہونے کی صورت میں زیادہ سے زیادہ دس سال کی سزائے قید دی جا سکتی ہے۔
ثماٹرہ اور بورنیو جزیرے میں جنگلات میں لگنے والی آگ کے دھوئیں سے متاثرہ علاقوں میں ماحولیاتی آلودگی عوامی صحت کے لیے نقصان دہ ہے۔ بعض اسکولوں میں تعلیمی سرگرمیوں کو روک دیا گیا ہے۔
واضح رہے کہ جنگلات کی آگ خصوصاً مئی تا ستمبر کے دوران خشک موسم کے باعث اور کسانوںکی طرف سے حکومت سے بغیر اجازت زمین پر کاشت کرنے کے لیے جان بوجھ کر لگائی جاتی ہے۔
