اوچ شریف (باغی ٹی وی،نامہ نگارحبیب خان )لیاقت علی خان کے یومِ شہادتِ پر بہاولپور کی صوبائی حیثیت کی بحالی کا مطالبہ
صوبہ تحریک کے قائدین نے پاکستان کے پہلے وزیرِاعظم لیاقت علی خان کی یومِ شہادت کے موقع پر ان کی خدمات کو سراہا اور کہا کہ ان کی قیادت نے بہاولپور کو صوبائی درجہ دے کر ملک کی معاشی استحکام میں اہم کردار ادا کیا۔
قاری مونس بلوچ نے کہا کہ لیاقت علی خان نے ہمیشہ جمہوریت کی راہوں کو ہموار کیا اور عوامی حقوق کے تحفظ کے لیے جدوجہد کی۔ انہوں نے بہاولپور کے عوام کی قربانیوں کو بھی یاد کیا جو پاکستان کی تحریک آزادی میں نمایاں تھیں۔
ارشاد احمد شاد نے موجودہ حکومت سے مطالبہ کیا کہ وہ لیاقت علی خان کے وژن کی روشنی میں بہاولپور کی بحالی کے لیے عملی اقدامات کرے۔
مسز شمیم عباسی نے خواتین کے حقوق پر زور دیتے ہوئے کہا کہ لیاقت علی خان نے ہمیشہ خواتین کے حقوق کے لیے آواز بلند کی۔
زنیرا بلوچ نے کہا کہ یہ وقت ہے کہ ہم اپنی تاریخ کو یاد کریں اور اپنے قائدین کی خدمات کو نہ بھولیں، اور بہاولپور کی صوبائی حیثیت کی بحالی ملک کی ترقی کے لیے اہم ہے۔
رہنماؤں نے اس عزم کا اظہار کیا کہ وہ اپنی جدوجہد جاری رکھیں گے تاکہ صوبہ بہاولپور کی بحالی ممکن ہو سکے اور لیاقت علی خان کی وراثت کو زندہ رکھ سکیں۔
