زائرہ وسیم کی فلم انڈسٹری میں واپسی کی خبریں سچی یا جھوٹی؟

گزشتہ دِنوں سے سوشل میڈیا پر زائرہ وسیم کی فلمی دنیا میں واپسی کی خبریں آرہی ہیں۔ عامر خسن کی فلم ’دنگل‘ سے اپنے کیرئیر کا آغاز کرنے والی 15 سالہ اداکارہ زائرہ وسیم نے چند ماہ قبل فلم انڈسٹری چھوڑنے کا اعلان کیا تھا، زائرہ نے وضاحت میں بتایا کہ فلم انڈسٹری چھوڑنے کا فیصلہ انہی کا ہے کیونکہ ان کا ایمان متاثر ہو رہا تھا

اداکارہ زائرہ وسیم اپنے اِس اعلان کے بعد ٹی وی سکرین پر نظر نہیں آئیں لیکن اب گزشتہ روز سے سوشل میڈیا پر زائرہ وسیم کی فلم انڈسٹری میں واپسی کی خبریں نظر آ رہی ہیں۔

سوشل میڈیا صارفین نے زائرہ وسیم کی فلمی دنیا میں واپسی کا دعوی اس وقت کیا جب اداکارہ پریانکا چوپڑا نے اپنے ٹویٹر پر اپنی نئی آنے والی فلم "دی اسکائی ازپنک‘ کا پوسٹر شئیر کیا۔

فلم کے پوسٹر میں اداکار فرحان اختر، پریانکا چوپڑا اور کئی صراف کے ساتھ زائرہ وسیم بھی ہیں۔ پوسٹر کے بعد سوشل میڈیا کی جانب سے زائرہ وسیم کے فلم انڈسٹری چھوڑنے کے متعلق فیصلے پر تنقید کی جارہی ہے.

مزید یہ کہ سوشل میڈیا صارفین کا کہنا ہے کہ فلم کی پروموشن کی تقریب میں بھی زائرہ وسیم نے شرکت کی تھی۔ دوسری جانب فلم کی تشہیر کرنے والی کمپنی کا کہنا ہے کہ یہ تصاویر پرانی ہیں اور ابھی تک زائرہ وسیم نے کسی بھی فلم کے فروغ کی کسی بھی تقریب میں شرکت نہیں کی ہے۔

کمپنی کا کہنا ہے کہ فلم کی شوٹنگ رواں برس اپریل میں ہو گئ تھی اور زائرہ وسیم نے فلم انڈسٹری چھوڑنے کا اعلان بعد میں کیا تھا.