لنڈی کوتل(باغی ٹی وی رپورٹ) خیبر بار ایسوسی ایشن نے ڈسٹرکٹ خیبر پریس کلب لنڈی کوتل (رجسٹرڈ) کے سالانہ انتخابات 2025 کا نوٹیفیکیشن جاری کر دیا۔
انتخابات کی نگرانی پشاور ہائی کورٹ کے ایگزیکٹیو کونسل ممبر اور ضلع خیبر بار ایسوسی ایشن کے ایگزیکٹیو ممبر، سینئر قانون دان قبیس شینواری ایڈوکیٹ نے کی۔ نوٹیفیکیشن کے مطابق خیبر پختونخوا کے ہر ضلع میں صرف ایک ڈسٹرکٹ پریس کلب تسلیم کیا جائے گا، اور انتخابات بار کونسل کے نمائندے کی نگرانی میں ہونے ضروری ہیں۔
پریس کلب کے تمام ممبران نے قبیس شینواری ایڈووکیٹ کا شکریہ ادا کیا، جنہوں نے انتخابات کے عمل کو شفاف اور کامیاب بنانے میں اہم کردار ادا کیا۔ اسی دن نتائج کا اعلان اور کابینہ کی باضابطہ تصدیق بھی کی گئی۔
پریس کلب کے اراکین نے بار ایسوسی ایشن اور سینئر وکلاء کی خدمات کو بھی سراہا، جنہوں نے انتخابات کے بعد کابینہ کی تصدیق کی۔
