
کراچی،باغی ٹی وی (نمائندہ خصوصی بشیربلوچ) سندھ کابینہ کی 8 ہزار الیکٹرک بسوں کی منظوری
تفصیلات کے مطابق سندھ کابینہ نے شہر کے ماس ٹرانزٹ سسٹم میں انقلاب لانے کے لیے 8 ہزار الیکٹرک بسوں کی منظوری دے دی ہے۔ یہ منصوبہ تین مراحل میں مکمل ہوگا، جس کا مقصد شہری ٹرانسپورٹ کو ماحول دوست اور جدید بنانا ہے۔
پہلے مرحلے میں ایک سال کے اندر 500 بسیں شامل کی جائیں گی جبکہ 50 بسیں پہلے ہی فعال ہیں۔ دوسرے مرحلے میں 1500 مزید بسیں شامل کی جائیں گی اور آخری مرحلے میں 4,000 سے 6,000 بسیں اگلے چار سال میں متعارف کرائی جائیں گی۔
بسوں کے چارجنگ اسٹیشن، ڈپو اور دیگر ضروری انفراسٹرکچر کے ساتھ 1 گیگا واٹ صلاحیت کا سولر پلانٹ بھی تعمیر کیا جائے گا۔ خواتین کے لیے گلابی بسوں میں خواتین ڈرائیورز کی خدمات حاصل کی جائیں گی۔
سندھ حکومت نے اس منصوبے کے لیے مالی سال 2025 کی آخری سہ ماہی میں 412.50 ملین روپے مختص کیے ہیں اور سالانہ 1.65 بلین روپے کی ادائیگی کا وعدہ کیا ہے۔
منصوبے کا مقصد کاربن کے اخراج میں کمی اور شہریوں کو ماحول دوست ٹرانسپورٹ فراہم کرنا ہے۔