لنڈی کوتل(باغی ٹی وی) فاٹا انضمام مخالف کیس کی سماعت کل بروز سوموار سپریم کورٹ آف پاکستان میں ہوگی۔ مرکزی کابینہ فاٹا لویہ جرگہ کے صدر حاجی بسم اللہ خان قبائلی، جنرل سیکرٹری اعظم خان محسود، سیکرٹری فنانس حنیف آفریدی، آل فاٹا انضمام مخالف طلباء صدر ریحان قبائلی اور دیگر عمائدین اس سلسلے میں اسلام آباد پہنچ چکے ہیں۔
فاٹا لویہ جرگہ کے مرکزی جنرل سیکرٹری اعظم خان محسود نے بتایا کہ ایگزیکٹو کمیٹی کے مشران، سپریم کونسل کے مشران اور مرکزی کابینہ کے دیگر ممبران کل صبح نو بجے تک سپریم کورٹ پہنچ جائیں گے۔ انہوں نے عوام سے دعاؤں کی درخواست کرتے ہوئے کہا کہ وہ اپنی قبائلیت، رسم و رواج، روایات اور وسائل پر گرفت دوبارہ حاصل کرنا چاہتے ہیں تاکہ قبائلی عوام کی رائے معلوم کی جا سکے۔ انہوں نے مزید کہا کہ عوامی اکثریت کی جو بھی رائے ہوگی وہ اسے من و عن قبول کریں گے۔
