اسلام آباد ہائی کورٹ میں پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی کی جیل میں بہتر سہولتوں کی فراہمی کے حوالے سے درخواست کی سماعت کی گئی۔
درخواست میں بشریٰ بی بی نے جیل میں بنیادی سہولتوں کی فراہمی اور صحت کی سہولتوں میں بہتری کی درخواست کی ہے۔عدالتِ عالیہ نے بشریٰ بی بی کی درخواست پر سماعت کرتے ہوئے فریقین سے جواب طلب کر لیا ہے۔ اسلام آباد ہائی کورٹ نے سیکریٹری داخلہ اور جیل سپرنٹنڈنٹ کو نوٹس جاری کرتے ہوئے دو ہفتوں کے اندر رپورٹ طلب کر لی ہے۔
بشریٰ بی بی نے اپنی درخواست میں استدعا کی کہ انہیں جیل میں بہتر سہولتیں فراہم کی جائیں، تاکہ ان کی صحت اور روزمرہ زندگی میں آسانی ہو۔ بشرٰی بی بی نے درخواست میں کہا کہ وہ سابق خاتون اول ہیں اور انہیں بنی گالہ میں بہترین سہولیات میسر ہیںَ جیل میں عمران خان کو جو سہولیات دی گئی ہیں وہ مجھے بھی دی جائیں
اسلام آباد ہائی کورٹ نے اس معاملے پر فوری طور پر کارروائی شروع کرتے ہوئے دونوں فریقین کو جواب دینے کا حکم دیا ہے۔ عدالت نے جیل انتظامیہ اور حکومتی اداروں سے اس سلسلے میں تفصیلی رپورٹ طلب کی ہے، جو آئندہ دو ہفتوں میں عدالت میں پیش کی جائے گی۔
