لنڈی کوتل(باغی ٹی وی) تحصیل جمرود کے علاقہ شاہ گئی کے رہائشی اور زوان کوکی خیل اتحاد کے رہنما حسین آفریدی کی گرفتاری کے خلاف مقامی قبائل نے احتجاجاً پشاور-تورخم شاہراہ کو بلاک کر دیا۔
اطلاعات کے مطابق ریگی للمہ پولیس نے حسین آفریدی کو عدالت کے باہر حراست میں لے کر گرفتار کیا جس کے بعد جمرود شاہ گئی کے عوام سڑکوں پر نکل آئے اور شاہ گئی لالا چینہ کے مقام پر پاک-افغان شاہراہ کو ہر قسم کی ٹریفک کے لیے بند کر دیا۔ مظاہرین نے حسین آفریدی کی فوری رہائی کا مطالبہ کیا ہے۔
