قومی سلامتی کمیٹی کے اعلامئے نے 24 کروڑ عوام کے جذبات کی ترجمانی کی،صدر مرکزی مسلم لیگ
پاکستان مرکزی مسلم لیگ کے صدر خالد مسعود سندھو نے کہا ہے کہ مسئلہ کشمیر کی بنیاد شملہ معاہدہ،پاکستانی قوم اسے ختم کرنے کا مطالبہ کرتی ہے، بانی پاکستان نے کشمیر کو شہہ رگ کہا،کشمیر پر قائداعظم محمد علی جناح کا مؤقف ،اقوام متحدہ کی قراردادوں کے مطابق کشمیریوں کو آزادی ملنی چاہئے،اپنایا جائے، بھارتی اقدامات نے ثابت کر دیا کہ نظریہ پاکستان ہی بقائے پاکستان اور شہہ رگ کو چھڑانا فرض ہے، قومی سلامتی کمیٹی کے اعلامئے نے 24 کروڑ عوام کے جذبات کی ترجمانی کی،بھارتی غیرذمہ دارانہ رویہ،قومی سلامتی کمیٹی کے اعلامیہ کی تائید کرتے ہیں، بھارتی غیر ذمہ دارانہ رویہ کے خلاف آج جمعہ کو بھی ملک گیر احتجاج ہو گا، دفاع پاکستان کیلیے قوم کو متحد کریں گے.
ان خیالات کا اظہار خالد مسعود سندھو نے مرکزی سیکرٹریٹ میں اجلاس کی صدارت کرتے ہوئے کیا، اجلاس میں سیکرٹری جنرل مرکزی مسلم لیگ سیف اللہ قصوری، مرکزی ترجمان تابش قیوم بھی موجود تھے، خالد مسعود سندھو کا کہنا تھا کہ بھارتی آبی جارحیت ،پاکستان کی لائف لائن پر حملے کا جواب عوام و افواج پاکستان ملکر دیں گے، مودی باز نہیں آتا تو شملہ سمیت تمام معاہدے معطل کئے جائیں،یک نکاتی کشمیرپالیسی بنائی جائے جس کا مقصد کشمیریوں کو بھارتی تسلط سے آزادی دلانا ہو، بھارت کے ساتھ تجارتی روابط معطل کرنا قوم کی امنگوں کے مطابق ہے،پاکستانی قوم دنیا بھر میں بھارتی فلموں، گانوں کا بھی بائیکاٹ کرے،آج جمعہ کو ملک بھر میں مرکزی مسلم لیگ دفاع پاکستان کے لئے پھر سڑکوںپر ہو گی. ہر شہر میں بھارتی اقدامات کے خلاف احتجاج کیا جائے گا.
