جنگ جیسی کسی بھی ہنگامی صورتحال سے نمٹنے کے لیے پاکستان ریلوے نے ملک بھر میں اپنے آپریشنز کو ہائی الرٹ کر دیا ہے اور مسلح افواج کی نقل و حرکت کے لیے خصوصی ٹرینیں مختص کر دی ہیں۔
باغی ٹی وی کے مطابق چیف ایگزیکٹو آفیسر پاکستان ریلوے، عامر علی بلوچ نے بتایا کہ ریلوے مسلح افواج کے ساتھ مکمل رابطے میں ہے اور ان کی ضروریات کے مطابق فوری نقل و حمل کی سہولیات فراہم کرنے کے لیے تیار ہے۔ اس مقصد کے لیے ویگنز، کوچز اور انجن سمیت مخصوص رولنگ اسٹاک مختص کر دیا گیا ہے۔جب بھی ہمیں اسٹاک منتقل کرنے کا کہا جائے گا، ہم فوری طور پر یہ خدمات فراہم کریں گے۔ ہم اپنی افواج کے ساتھ کھڑے ہیں اور ہر ممکن تعاون کے لیے تیار ہیں۔”
عامر علی بلوچ کے مطابق، اس وقت ریلوے کی مسافر اور مال بردار ٹرینیں معمول کے مطابق چل رہی ہیں اور کسی قسم کے تعطل کا سامنا نہیں ہے۔ تاہم، تمام اسٹیشنز اور آپریشنز کو ہائی الرٹ پر رکھا گیا ہے اور بڑے اسٹیشنز کی سیکیورٹی میں اضافہ کیا گیا ہے۔انہوں نے مزید کہا کہ فضائی حدود کی بندش یا پروازوں کی معطلی کی صورت میں ریلوے ان مسافروں کے لیے سہولت فراہم کرنے کو بھی تیار ہے، جو ہوائی سفر کے متبادل کے طور پر ریل کا انتخاب کرتے ہیں۔
بھارتی میڈیا صحافت کے بجائے کارٹون نیٹ ورک لگتا ہے، شاہد آفریدی
پاکستان اور بھارت کے درمیان کشیدگی بڑھنے کا خدشہ ہے،خواجہ آصف
ڈرون یا راکٹ حملے شروع نہیں کیے، صرف دفاع میں کارروائی کی، ڈی جی آئی ایس پی آر
