بھارتی ریاست بہار کے ضلع سرن میں ہندوتوا بلوائیوں نے ایک مسلم نوجوان ذاکر قریشی کو وحشیانہ تشدد کا نشانہ بنا کر شہید کردیا ہے ۔
خبررساں ادارے کے مطابق 11 مئی کو ضلع کے علاقے چھپرا میں ہندوتوا بلوائیوں نے جانوروں کی چوری کا الزام لگا کر ذاکر اور اسکے بھائی نہال کو پکڑ کر رسیوں سے باندھ کر لوہے کی سلاخوں اور لاٹھیوں سے وحشیانہ تشدد کا نشانہ بنایا۔ واقعے کی سوشل میڈیا پر وائرل ویڈیو میں لہولہان ذاکر کو رحم کی درخواست کرتے ہوئے دکھایا گیا ہے ۔ حملے کے بعد ہندو بلوائی دونوں بھائیوں کو نیم مردہ حالت میں چھوڑ کر فرار ہو گئے۔ دونوں کو فوری طورپر تشویشناک حالت میں ہسپتال منتقل کیاگیا جہاں ذاکر زخموں کی تاب نہ لاتے ہوئے چل بسا جبکہ نہال زندگی اور موت کی کشمکش میں مبتلا ہے ۔ واقعے کے بعد علاقے کے مسلمانوں میں شدید غم و غصہ پایا جاتا ہے اور احتجاجی مظاہروں کا سلسلہ بھی جاری ہے ۔ پولیس نے واقعے کا مقدمہ درج کرکے تفتیش شروع کر دی ہے ۔
بہار : ہندوتوا دہشت گردوں کا وحشیانہ تشدد ، ایک مسلم نوجوان شہید
Shares:
