نائب وزیراعظم و وزیر خارجہ سینیٹر اسحاق ڈار نے کہا ہے کہ چین کا حالیہ دورہ انتہائی مثبت اور کامیاب رہا، پاکستان اور چین کے تعلقات میں مزید گہرائی اور مضبوطی آ رہی ہے۔
باغی ٹی وی کے مطابق بیجنگ میں وطن واپسی سے قبل میڈیا سے گفتگو کرتے ہوئے اسحاق ڈار نے بتایا کہ تین اہم ممالک – پاکستان، چین اور افغانستان – کے درمیان سہ فریقی اجلاس کا انعقاد کیا گیا، جس میں خطے کی سیکیورٹی اور معاشی ترقی سے متعلق اہم امور زیر بحث آئے۔ افغان عبوری وزیر خارجہ کے ساتھ الگ سے تفصیلی مذاکرات بھی کیے گئے، جن میں دوطرفہ امور اور علاقائی تعاون پر تبادلہ خیال ہوا۔ اگلا سہ فریقی اجلاس افغانستان میں منعقد ہونے کا امکان ہے۔
اسحاق ڈار نے زور دیتے ہوئے کہا کہ چین کے ساتھ پاکستان کے تعلقات ہر گزرتے دن کے ساتھ مزید مضبوط اور پائیدار ہو رہے ہیں، خاص طور پر سی پیک منصوبے کو افغانستان تک توسیع دینے کے معاملے پر دونوں ممالک مکمل ہم آہنگی رکھتے ہیں۔واضح رہے کہ یہ دورہ خطے میں امن، استحکام اور ترقی کے نئے دروازے کھولنے کی امید لے کر آ رہا ہے۔
کالعدم بی ایل اے کا گرفتار کارندہ ریمانڈٍ پر پولیس کے حوالے
پی ایس ایل 10: کوئٹہ گلیڈی ایٹرز کا اسلام آباد کو 210 رنز کا پہاڑ جیسا ہدف
سپریم کورٹ کی بڑی پیش رفت: سزائے موت کی تمام اپیلیں نمٹا دی گئیں
کراچی ایئرپورٹ پر بڑی کارروائی، 37 کروڑ روپے کی ممنوعہ ادویات ضبط