بورے والا : متعدد وارداتوں میں ملوث خطرناک ڈاکو گرفتار
![](https://baaghitv.com/wp-content/uploads/2019/09/FB_IMG_1569135537849.jpg)
بورےوالا (نمائندہ باغی ٹی وی) پولیس تھانہ صدر بوریوالا کی کاروائی خطرناک ڈاکو یعقوب گرفتار
تفصیلات کے مطابق کرائم کی حالیہ لہر کو کنٹرول اور خاص طور پر تین یوم قبل ڈکیتی کی واردات میں دوران مزاحمت فائرنگ کر کے زخمی کرنے والوں ملزمان کو ٹریس کرنے کے لئے ڈسٹرکٹ پولیس آفیسر وہاڑی ثاقب سلطان المحمود نے اے ایس پی بوریوالا آصف رضا کی سربراہی میں ایس ایچ او صدر بوریوالا محمد یعقوب پر مشتمل ٹیم تشکیل دی.
جنہوں تین یوم کی دن رات کی محنت کے بعد کامیاب ک نے کاروائی کرتے ہوئے بدنام زمانہ ڈاکو یعقوب کو گرفتار کر لیا. ملزم نے اپنے ساتھی کے ہمراہ تین یوم قبل 451 ای بی سے علی نواز سےموٹرسائیکل, موبائل اور کیش چھین لیا تھا اور جاتے ہوئے فائرنگ کر کے زخمی کر دیا تھا.
پولیس نے جدید سائنسی تفتیشی ٹیکنیکس استعمال کرتے ہوئے ملزم یعقوب کو ٹریس کر کے گرفتار کر لیا جو کہ 3یوم کے ریمانڈ پر ہے. ملزم سے مزید انکشافات متوقع ہیں. اس موقع پر ڈسٹرکٹ پولیس آفیسر وہاڑی ثاقب سلطان المحمود نے کہا عوام کو جان و مال سے محروم کرنے والے سفاک ڈاکو کسی معافی کے لائق نہیں جنہیں قانون کے مطابق سخت سے سخت سزا دالوائی جائے گی.