باغی ٹی وی: وزیراعظم محمد شہباز شریف نے خادم الحرمین شریفین شاہ سلمان بن عبدالعزیز آل سعود اور سعودی ولی عہد شہزادہ محمد بن سلمان سے ٹیلیفونک گفتگو میں دل کی گہرائیوں سے نیک خواہشات کا اظہار کیا اور رواں برس حج کی کامیاب تکمیل پر مبارکباد دی۔
وزیراعظم نے پاکستانی حجاج کرام کے لیے شاندار انتظامات اور مہمان نوازی پر سعودی حکومت کا شکریہ ادا کیا، اور خاص طور پر خادم الحرمین شریفین اور ولی عہد شہزادہ محمد بن سلمان کی قیادت کو سراہا۔وزیراعظم نے بھارت کے ساتھ حالیہ کشیدگی کے دوران سعودی عرب کی مستقل حمایت پر بھی شکریہ ادا کیا اور کہا کہ پاکستان بھارت کے ساتھ جموں و کشمیر، پانی، تجارت اور دہشت گردی سمیت تمام تصفیہ طلب مسائل پر بامعنی مذاکرات کے لیے تیار ہے۔
دونوں رہنماؤں کے درمیان مشرق وسطیٰ کی تازہ صورتحال، خصوصاً ایران اسرائیل کشیدگی پر تبادلہ خیال ہوا۔ وزیراعظم نے اس موقع پر زور دیا کہ پاکستان خطے میں تناؤ کے خاتمے اور پرامن حل کے لیے مذاکرات و سفارت کاری کی مکمل حمایت کرتا ہے۔ انہوں نے گزشتہ رات کے حملوں کے تناظر میں تمام فریقین سے بین الاقوامی قوانین اور اقوام متحدہ کے چارٹر کی پاسداری کی اپیل کی۔
وزیراعظم نے سعودی عرب کی خودمختاری اور علاقائی سالمیت کے لیے پاکستان کی غیر متزلزل حمایت کا اعادہ کیا اور ولی عہد محمد بن سلمان کو ان کی دانشمندانہ قیادت اور خطے میں قیامِ امن کے لیے کوششوں پر خراج تحسین پیش کیا۔ انہوں نے کہا کہ سعودی عرب امت مسلمہ کا قائد اور عالمی امن کا ضامن بن کر ابھرا ہے۔
جواباً سعودی ولی عہد شہزادہ محمد بن سلمان نے وزیراعظم کا شکریہ ادا کرتے ہوئے پاکستان کی یکجہتی اور حمایت کو سراہا، اور مشرق وسطیٰ میں پائیدار امن اور خوشحالی کے فروغ کے لیے اپنے عزم کا اعادہ کیا۔
وزیراعظم شہباز شریف سے بلاول بھٹو کی ملاقات، کامیاب سفارتی دوروں پر وفد کو خراج تحسین
کراچی میں جمعہ سے آندھی اور گرج چمک کے ساتھ بارش کا امکان
چین ایران سے تیل خرید سکتا ہے، یہ میرے لیے باعث فخر ہے، صدر ٹرمپ
ایران، اسرائیل جنگ بندی کے بعد سونے کی قیمت میں نمایاں کمی
