بورے والا: ڈاکو راج عروج پر اہل علاقہ خوفزدہ

بورےوالا (نمائندہ باغی ٹی وی)
6کار سوار مسلح ڈاکوؤں کا تاجر کے گھر دھاوا،دیوار پھلانگ کر اہل خانہ کو یرغمال بناکر کمرے میں بند کردیا
نقدی،طلائی زیور ات اورقیمتی سامان کی لوٹ مار.
مزاحمت کرنے پر اہل خانہ کو رائفلوں کے بٹ مار کر زخمی کرکے فائرنگ کرتے ہوئے فرار،
علاقہ میں خوف وہراس پھیل گیا،عوام کا آئی جی و آر پی او سے وارداتوں پر قابو پانے کا مطالبہ۔تفصیل کے مطابق تھانہ فتح شاہ کی حدود میں موڑ مراد علی کے تاجر چوہدری عادل جٹ کے گھر گزشتہ رات آتشیں اسلحہ سے لیس چھ کارسوارمسلح ڈاکو دیوار چھلانگ کر گھس آئے جنہوں نے اہل خانہ کو اسلحہ کے زور پر یرغمال بناکر ایک کمرے میں بند کردیا گھرکی چابیاں چھین کر پورے گھر کی تلاشی لیکر طلائی زیورات انگوٹھی،دو بالیاں،22ہزار روپے نقدی،موبائل مالیتی 12ہزار،قیمتی ٹارچ اور جوتاچھین لیا مزاحمت پر اہل خانہ کو تشدد کا نشانہ بنا ڈالا،ڈاکوؤں نے بٹ مارکر تاجر ومالک مکان چوہدری عادل کو زخمی کرکے فائرنگ کرتے ہوئے سامان چھین کر فرار ہوگئے،علاقہ میں خوف وہراس پھیل گیا عوام نے آئی جی پنجاب اور آر پی او ملتان سے تھانہ فتح شاہ کے علاقہ میں بڑھتی ہوئی وارداتوں پر قابو پانے کا مطالبہ کیاہے۔