شیخوپورہ( نمائندہ باغی ٹی وی )ڈپٹی کمشنر شیخوپورہ سیدطارق محمود بخاری اور صوبائی وزیر برائے قدرتی آفات میاں خالد محمود کا اچانک ڈی ایچ کیو ہسپتال میں ڈینگی وارڈ کادورہ-
ہسپتال میں مریضوں کی عیادت کی اورانسداد ڈینگی سے متعلق ادویات کے بارے میں بھی دریافت کیاصفائی ستھرائی کے انتظامات کا جائزہ لیا انچارج و پیرا میڈیکل اسٹاف کو مزید توجہ سے علاج معالجہ کرنے کی ہدایت کی اس موقع پر انہوں نے جملہ سٹاف کو مزیدار وارننگ دیتے ہوئے کہا کہ صفائی کے انتظامات کو مزید بہتر بنایا جائے اور مریضوں کے علاج معالجہ میں کوئی کسر اٹھا نہ رکھی جائے
اس کے بعد ڈپٹی کمشنر اور صوبائی وزیر نے جناح پارک میں انسداد ڈینگی سرویلنس کرنے والی ٹیموں کی حاضری اور کارکرگی کو چیک کیا۔انسداد ڈینگی کی ٹیموں کو ہدایات جاری کرتے ہوئے ڈپٹی کمشنر شیخوپورہ نے کہا کہ ڈینگی لاروا کی افزائش روکنے کے لیے سرویلنس اور انسدادی اقدامات کے ساتھ ساتھ ڈینگی مچھر سے بچاو کے لیے شہریوں میں زیادہ سے زیادہ آگاہی پیدا کریں۔ اس موقع پر صوبائی وزیر نی کہا کہ ڈینگی کے خاتمے کے لیے حکومت پنجاب سخت سے سخت اقدامات اٹھا رہی تاکہ ڈینگی بخار سے بچا جا سکے.اس موقع پر اسسٹنٹ کمشنر شیخوپورہ شبیر حسین بٹ بھی ان کے ہمراہ تھے
