پاکستان اور سری لنکا دو گہرے دوست ، کرکٹ ٹیموں میں بھی وہی محبت، خوش آمدید کہتے ہیں ، احسان مانی کی سیریز لوگو کی تقریب میں‌گفتگو

پاکستان اور سری لنکا کے درمیان سیریز کیلئے لوگوز کی تقریب رونمائی ميں گفتگو کرتے ہوئے چیئرمین پی سی بی احسان مانی کہتے ہیں کہ حملہ کے باوجود دس سال بعد سری لنکن ٹیم پاکستان آرہی ہے، پاکستان اور بھارت کے مابين کرکٹ سیریز کا فیصلہ بھارتی بورڈ نے کرنا ہے قذافی سٹیڈیم میں پاک سری لنکا سیریز کیلئے لوگوز کی تقریب رونمائی ہوئي جس ميں چئرمین پی سی بی احسان مانی سمیت اسپانسرز اداروں کے نمائندوں نے شرکت کی۔
باغی ٹی وی کے مطابق تقریب سے خطاب کرتے ہوئے چئرمین پی سی بی احسان مانی نے کہا کہ ثابت ہوگیا کہ پی سی بی اور سری لنکن بورڈ کے گہرے تعلقات ہیں، سری لنکن ٹیم کو ٹیسٹ کیپ دلوانے میں پاکستان کا کردار اہم تھا انہوں نے مہمان ٹیم کی پاکستان آمد کو ملکی کرکٹ کیلئے تازہ ہوا کا جھونکا قرار ديا ہے ۔ پاکستان میں کرکٹ کی واپسی میں پی ایس ایل کا کا بہت بڑا کردار ہے ۔

چیئرمین پاکستان کرکٹ بورڈ احسان مانی نے کہا کہ پی ایس ایل فور میں 35 غیر ملکی کھلاڑیوں کی پاکستان آمد سے بین الاقوامی کرکٹ کی راہ ہموارہوئي ان کا کہنا تھا کہ پیسے دے کر کھلاڑیوں کو پاکستان بلانے کا فیصلہ شارٹ ٹرم تھا۔ بھارت کے ساتھ سیریز کے حوالے سے احسان مانی کا کہنا تھا کہ بھارت کے ساتھ نیوٹرل مقام پرسیریز کے حوالے سے انڈین بورڈ سے کوئی اشارہ نہیں ملا اس حوالے سے بھارتی بورڈ سے کوئی بات نہیں کرنا چاہتا ،بھارت پاکستان کے ساتھ آئی سي سی اور اے سی سی ایونٹس میں کھیلتی ہے اس ليے پاکستان کے ساتھ کھیلنے کا فیصلہ بھارتی بورڈ نے کرنا ہے