دنیا سن لے ! چین کی تجارتی ناجائز فائدے کے دن گنے جا چکے، امریکی صدر ڈونلڈ ٹرمپ کی دھمکی

نیویارک : دنیا بھی سن لے کہ اب چین کے تجارتی فائدے کے دن گنے جا چکے ہیں ، چین کو یہ دھمکی امریکی صدر ڈونلڈ ٹرمپ نے اقوام متحدہ کے جنرل اسمبلی میں خطاب کرتے ہوئے دی، امریکی صدر نے کہا کہ بیجنگ کو چاہیے کہ ’ہانگ کانگ میں جمہوریت پر مبنی ماحول‘ کو تحفظ فراہم کرے۔

امریکی صدر نے جنرل اسمبلی سے اپنے خطاب میں کہا کہ بڑے عرصے سے تجارتی زیادتیاں برداشت، نظرانداز اور بعض صورتوں میں ان کی حوصلہ افزائی کی گئی ، ان حالات میں عالمگیریت کی وجہ سے عالمی برادری کے رہنماؤں نے اپنے ہی قومی مفادات کو نظرانداز کیا۔

ڈونلڈ ٹرمپ نے چین کو خبردار کرتے ہوئے کہا کہ ان کی انتظامیہ بھرپور انداز میں جائزہ لے رہی ہے کہ چین کس طرح ہانگ کانگ کے بحران کو سنبھال رہا ہےٹرمپ نے مزید کہا کہ دنیا امید کرتی ہے کہ چین کی حکومت معاہدے کی پاسداری کرے اور ہانگ کانگ کی آزادی اور عدالتی نظام اور جموری حقوق کا تحفظ کرے‘۔