سفارت خانوں میں قائم کشمیر ڈیسک میں کشمیریوں‌ کو تعینات کیا جائے؟ جماعت اسلامی آزاد کشمیر

جماعت اسلامی آزاد کشمیر کے امیر ڈاکٹر خالد محمود نے کہا ہے کہ وزیراعظم عمران خان نے 27 ستمبر تک سیز فائر لائن نہ توڑنے کی اپیل کی ہے،

باغی ٹی وی کی رپورٹ کے مطابق ڈاکٹر خالد محمود نے کہاکہ مقبوضہ کشمیرمیں بھارتی بربریت کی انتہاہوچکی ہے، حکومت پاکستان کی مجبوریوں کا ادراک ہے ، سفارت خانوں میں قائم کشمیرڈیسک میں کشمیریوں کوتعینات کیا جائے، کشمیریوں پرسیزفائرلائن توڑنےکی کوئی پابندی نہیں ہے، انہوں نے کہاکہ بھارت نے مقبوضہ کشمیر پر جنگ مسلط کررکھی ہے پوری قوم تیار رہے،

انہوں نے کہاکہ بھارت مقبوضہ کشمیر میں انسانی حقوق کی دھجیاں اڑا رہا ہے، بھارتی قابض فوج جنگی جرائم کی مرتکب ہورہی ہیں 80 لاکھ کشمیریوں کو قید خانے میں ڈال کر ان کا قتل عام کیا جارہا ہے، عالمی برادری اور اسلامی ممالک اس کا نوٹس لیں، اقوام متحدہ انسانی حقوق کی پامالیوں اور جنگی جرائم کے مرتکب ہونے والے بھارت کے خلاف کارروائی کرے،