ٹرمپ نے مودی سے کیا کہا، خبر آ گئی

امریکی صدر ڈونلڈ ٹرمپ نے بھارتی وزیراعظم نریندر مودی کو اسلام آباد کے ساتھ تعلقات بہتر بنانے اور کشمیری عوام کی زندگی کو بہتر بنانے پر زور دیا۔

ٹرمپ مودی کی تعریف نہیں ، تضحیک کر رہا ہے، آخر بھارتی میڈیا کو بھی پتہ چل ہی گیا

غیر ملکی خبر رساں ایجنسی اے ایف پی کے مطابق ٹرمپ اور مودی کے درمیان ملاقات میں دونوں رہنماوں نے اپنی اسٹریٹجک پارٹنرشپ کے مختلف پہلووں اور پیشرفت کو یقینی بنانے کے لئے پیشرفت پر تبادلہ خیال کیا۔

ٹرمپ نے امریکہ بھارت بڑھتی ہوئی تجارت کی اہمیت کی کو مانا ، اور تجارت میںحائل رکاوٹوں کودور کرنے کی ضرورت پرزور دیا ، جس میں امریکی کمپنیوں کی بھارتی منڈی تک رسائی کو بہتر بنانا بھی شامل ہے۔دریں اثنا صدر ٹرمپ نے دفاع اور سیکیورٹی میں تعاون پر اچھی پیشرفت کا ذکر کیا۔

مزید برآں ، صدر ٹرمپ نے مودی کو پاکستان کے ساتھ تعلقات بہتر بنانے اور کشمیری عوام کی زندگیوں کو بہتر بنانے کے اپنے وعدے کو پورا کرنے کو کہا۔ دونوں رہنماوں نے افغانستان کی صورتحال کے بارے میں تشویش کا اظہار کیا اور ملک میں سلامتی اور خوشحالی کے فروغ کے لئے مل کر کام کرنے کے بارے میں نظریات شیئر کیے۔

دو طرفہ ملاقات سے قبل میڈیا سے گفتگو کرتے ہوئے ، ٹرمپ نے کہا کہ مودی دہشت گردی کے معاملے کا خیال رکھیں گے اور مودی نے اسلام آباد کو دہشت گردی سے متعلق واضح پیغام دیا تھا

جب ٹرمپ سے یہ پوچھا گیا کہ عسکریت پسندوں کی تربیت میں سرگرم عمل ہونے کے حوالے سے ان کا پاکستان کے لئے کیا پیغام ہے تو ٹرمپ نے کہا: "ٹھیک ہے ، میرا مطلب ہے ، پیغام دینا میرے لئے نہیں بلکہ وزیر اعظم مودی کو دینا ہے۔

"اور مجھے لگتا ہے کہ دوسرے دن جب ہم ایک ساتھ تھے (ہیوسٹن میں ‘ہوڈی ، مودی!’) انہوں نے زوردار پیغام دیا۔ انہوں نے ایک بہت تیز پیغام دیا۔ اور مجھے یقین ہے کہ وہ اس صورتحال کو نپٹانے میں کامیاب ہوجائیں گے۔