زلزلہ متاثرین کے لئے حکومتی پیکج ، کیا کچھ ملے گا؟ فردوس عاشق اعوان نے بتا دیا
![](https://baaghitv.com/wp-content/uploads/2019/09/zalzala.jpg)
وزیراعظم عمران خان کی مشیر برائے اطلاعات ڈاکٹر فردوس عاشق اعوان نے کہا ہے کہ زلزلہ سے متاثر ہونے والی سڑکوں کی تعمیر پنجاب حکومت کی ذمہ داری ہو گی جبکہ زخمیوں کی مدد کیلئے پاکستان بیت المال بھی حصہ ڈالے گا ۔ متاثرین کی بحالی تک چین سے نہیں بیٹھیں گے ۔
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے ڈاکٹر فردوس عاشق اعوان نے کہا کہ جاں بحق افراد کے لواحقین کومالی امدادکی فراہمی سے زلزلہ متاثرین کی بحالی میں مدد ملےگی۔گھروں،مال مویشیوں کیلئے زرتلافی سے متاثرین کے نقصانات کاازالہ ممکن ہوگا۔متاثرہ علاقوں میں بچوں کی تعلیم کاسلسلہ جاری رکھنے کیلئے خصوصی اقدامات کیے جارہے ہیں۔خواتین کی سہولیات کے بھی اقدامات کئے گئے ہیں.
پاکستان متاثرین زلزلہ کی امداد کے لیے آزاد حکومت کو وسائل فراہم کرے ،سراج الحق
ڈاکٹر فردوس عاشق اعوان کا مزید کہنا تھا کہ وزیراعظم عمران خان کے دورہ سے زلزلہ سے متاثرہ کشمیری عوام کو نیا حوصلہ ملا ہے۔ ان کی امداد اور بحالی تک تعاون کا سلسلہ بھرپور انداز سے جاری رہے گا۔
ایک اور ٹویٹ میں فردوس عاشق اعوان نے مزید کہا کہ وفاقی حکومت جاں بحق لواحقین کو 5لاکھ روپے فی کس دے گی ۔ مکمل تباہ ہونے والوں مکانوں کیلئے 2لاکھ جبکہ جزوی متاثرہ مکانات کا معاوضہ 1لاکھ روپے دیا جائے گا ۔ 38سکولوں کیلئے بڑے ٹینٹ فراہم کیے جا رہے ہیں ۔
زلزلہ پروف عمارتوں کی تعمیر یقینی بنائی جائے گی، وزیراعظم آزاد کشمیر
زلزلہ متاثرین کی بحالی تک چین سےنہیں بیٹھیں گے، مشیر برائے اطلاعات
مشیر برائے اطلاعات ڈاکٹر فردوس عاشق اعوان کا مزید کہنا تھا کہ زلزلہ سے متاثرہ علاقوں میں انفراسٹرکچر کی بحالی کا تخمینہ 1200ملین لگایا ہے ۔ زلزلہ میں تاجر برادری کو 50ہزار روپے فی دکان جبکہ جزوی طور پر متاثر ہونے والی دکان کے مالک کو 25ہزار روپے دیے جائیں گے ۔ حکومت 50ہزار روپے فی مویشی مدد فراہم کرے گی ۔
وزیراعظم عمران خان میر پور پہنچ گئے، زلزلہ متاثرین کی عیادت، کہا پیکج تشکیل دے رہے ہیں