جمعیت علماء اسلام ف کے سربراہ مولانا فضل الرحمن نے کہا ہے کہ ہم سب کااتفاق ہےپاکستان داخلی طورپرکمزورہورہاہے،
باغی ٹی وی کی رپورٹ کے مطابق مولانا فضل الرحمن نے مسلم لیگ ن کے رہنما احسن اقبال کے ہمراہ میڈیا سے گفتگو کرتے ہوئے کہا کہ پاکستان کی معیشت ڈوب رہی ہے، پیسہ بیرون ملک منتقل کیاجا رہا ہے ، پاکستان کی مذہبی شناخت ختم کی جارہی ہے، حکومت کہتی کچھ اورکرتی کچھ ہے، حکومت نےکشمیرکاسوداکردیاہے، ہمسایہ ممالک کےدرمیان کبھی ایٹمی جنگیں نہیں ہواکرتیں، وزیراعظم نےبھارت کو ایٹمی دھمکی دی، ایٹمی دھمکی سےموقف ملےگاکہ ایٹمی اثاثےمحفوظ نہیں، اسلامی ممالک نےبھی عمران خان کوکشمیرکیلئےووٹ نہیں دیا، حکومت سفارتی طورپرناکام ہوگئی ہے، اپوزیشن جماعتیں انتخابی نتائج مستردکر چکی ہیں، تمام فیصلےمتفقہ طور پرکیے جائیں گے ، جےیوآئی کی مجلس عاملہ کےکل کےاجلاس میں مزیدبات چیت ہوگی، عمران خان کاجائز حکومت کیخلاف دھرناتھا، ہم ناجائزحکومت کیخلاف دھرنا دے رہے ہیں، عمران خان کےدھرنےسےچینی صدرکادورہ منسوخ ہوا،
مسلم لیگ (ن) کے رہنما احسن اقبال نے کہاکہ جےیوآئی(ف)کےموقف کی حمایت کی ہے، ملکی معیشت تیزی سےزوال پذیرہے، بجلی اورگیس کی قیمتوں میں اضافہ کردیاگیا، حکومت کی پالیسیاں عوام دشمن ہیں، آئےروزکابینہ میں تبدیلیاں کی جارہی ہیں، ملک کااصل مسئلہ نااہل حکمران ہیں، وزیراعظم کامقصداپوزیشن کوجیلوں میں ڈالناہے، (ن)لیگ کی تمام قیادت جیلوں میں ڈال دی گئی ہے،
