لاہور میں پولیس مقابلہ، کانسٹیبل شہید

لاہورمیں چوکی ہلوکی کےقریب پولیس مقابلہ،پولیس کانسٹیبل شہید ہو گیا

باغی ٹی وی کی رپورٹ کے مطابق شہید کانسٹیبل کی شناخت ساجد کے نام سے ہوئی،محافظ ہلوکی چوکی کے علاقےمیں گشت کر رہے تھے،موٹرسائیکل سواروں کومشکوک سمجھ کرروکنے پرانہوں نےفائرنگ کردی فائرنگ سے کانسٹیبل ساجد موقع پر شہید ہو گیا ،ڈاکو فرارہوگئے.

اطلاع ملنے پر پولیس کی افسران موقع پر پہنچ گئے اور علاقہ کی ناکہ بندی کروا دی، شہید پولیس کانسٹبل کی لاش کو پوسٹ مارٹم کے لئے ہسپتال منتقل کر دیا گیا جہاں قانونی کاروائی کے بعد لاش ورثا کے حوالہ کر دی جائے گی.

آئی جی پنجاب نے واقعہ پر افسوس کا اظہار کرتے ہوئے شہید کانسٹبل کے قاتلوں کی گرفتاری کا حکم دیا ہے، وزیراعلیٰ پنجاب نے بھی واقعہ کو نوٹس لیتے ہوئے آئی جی پنجاب سے رپورٹ طلب کر لی ہے