بھارت کو چھوڑ دیا لیکن بھارت نے مجھے نہیں چھوڑا، وینا ملک

پاکستانی اداکارہ و اینکر وینا ملک جو بھارت میں کئی بار کام کر چکی ہیں اور بھارت کے مشہور شو بگ باس میں بھی شرکت کر چکی ہیں جس کی وجہ سے وینا کو کئی بار پاکستان کی طرف سے تنقید کا سامنا بھی کرنا پڑا.

وینا ملک نے بھارت تو چھوڑ دیا ہے لیکن حال میں بھارتی میڈیا میں کئی بار وینا ملک کو ان کے بھارت خلاف اور کشمیر کے حق میں بات کرنے پر تنقید کا نشانہ بنایا گیا ہے.

اس حوالے سے اداکارہ وینا ملک کا کہنا ہے کہ مجھے بھارت کو چھوڑے ہوئے بہت وقت ہو چکا ہے لیکن بھارت نے مجھے ابھی تک نہیں چھوڑا، میڈیا کی ذمہ داری ہے کہ اچھے کو اچھا اور برے کو برا دکھایا جائے لیکن بھارتی میڈیا کو صرف پروپیگنڈہ کرنا آتا ہے اور وہ جھوٹ کو سچ بناکر دکھاتا ہے۔

بھارت کے کشمیر پر ظلم پر میں نے جتنے بھی ٹویٹ کیے سب پر بھارتیوں نے تنقید کی. وینا نے مزید کہا کہ بھارت ایئر فورس کے ابھی نندن کو دیکھ لیں کہ وہ اپنے ناپاک مشن میں ناکام ہوا لیکن بھارتی میڈیا اسے ہیرو بنا کر پیش کرتا رہا. اس سے بھارتی میڈیا دنیا کے سامنے بے نقاب ہوا ہے۔

واضح رہے حال ہی میں پاکستان کے معروف ہدایت کار خلیل الرحمن قمر نے پاکستان میں پکڑے جانے والے بھارتی پائلٹ ابھی نندن پر مبنی کامیڈی فلم "ابھی نندن کم آن” بنانے کا اعلان کیا ہے. کامیڈی سے بھرپور فلم میں اداکار شمعون عباسی بھارتی پائلٹ ابھی نندن کا کردار ادا کریں گے.