پاک فوج کے سربراہ جنرل قمر جاوید باجوہ سرکاری دورے پر چین پہنچ گئے ہیں،
باغی ٹی وی کی رپورٹ کے مطابق آئی ایس پی آر کی جانب سے کہا گیا ہے کہ آرمی چیف اپنے دورہ کے دوران چین کی عسکری و سیاسی قیادت سے اہم ملاقاتیں کریں گے جبکہ وزیراعظم عمران خان کی چینی قیادت سے ملاقات کے دوران بھی وہ موجود رہیں گے، آرمی چیف کی کمانڈر پیپلزلبریشن آرمی سے بھی ملاقات طے ہے، اسی طرح وہ ملٹر ی کمیشن کے وائس چیئر مین اور کمانڈر سدرن تھیٹر کمانڈ سے بھی ملاقاتیں کریں گے، وزیر اعظم عمران خان کی چینی صدر اور وزیر اعظم کے ساتھ ملاقاتوں میں بھی آرمی چیف شریک ہوں گے،
آرمی چیف کی امریکی سینیٹرز سے ملاقات، پاک امریکہ تعلقات سے متعلق انتہائی اہم بات کہہ دی
ہمیں کشمیریوں سے محبت ہے اور کشمیر ہماری روح کا حصہ ہے، آرمی چیف جنرل قمر جاوید باجوہ
آرمی چیف سے سعودی بری فوج کے سربراہ کی ملاقات، علاقائی سکیورٹی اور دیگر امور پر تبادلہ خیال
واضح رہے کہ آرمی چیف جنرل قمر جاوید باجوہ کی آج امریکی سینیٹرز کرسٹوفر وین ہولن اور میگی حسن سے بھی ملاقات ہوئی ہے، دورہ چین سے قبل جی ایچ کیو میں ہونے والی اس ملاقات میں آرمی چیف اور امریکی سینیٹرز کے مابین باہمی دلچسپی کے امور اور خطے کی مجموعی صورت حال پر تبادلہ خیال کیا گیا، آئی ایس پی آر کی جانب سے جاری کردہ تفصیلات کے مطابق اس ملاقات میں افغانستان میں مفاہمتی عمل پر بات چیت کی گئی جبکہ کشمیر کی صورتحال پر بھی تبادلہ خیال کیا گیا، امریکی سینیٹرز نے ملاقات کے دوران خطہ میں امن و استحکام کیلئے پاکستان کی کوششوں کو قابل قدر قرار دیا اور اس امر پر اتفاق کیا گیا کہ پاکستان اور امریکہ کے باہمی تعلقات دونوں ملکوں کیلئے انتہائی اہمیت رکھتے ہیں،
