راولپنڈی : برطانوی سکھ سپاہیوں کے 12 رکنی وفد کی جی ایچ کیو میں آرمی چیف سے ملاقات،اطلاعات کے مطابق برطانوی سکھ سپاہیوں کے 12 رکنی وفد نے جی ایچ کیوکا دورے کے دوران آرمی چیف جنرل قمرجاوید باجوہ سے ملاقات کی
آئی ایس پی آر کے مطابق آرمی چیف جنرل قمرجاوید باجوہ سے برطانوی وفدکی ملاقات کے دوران آرمی چیف نے کہا ہے کہ پاکستان تمام مذاہب کا احترام کرتا ہےاس ملاقات میں برطانوی وفد سے گفتگو کرتے ہوئے آرمی چیف جنرل قمرجاوید باجوہ نے کہا ہے کہ پاکستان میں مذہبی سیاحت کےفروغ کی ضرورت کوتسلیم کرتےہیں
میجر جنرل سیلیا جے ہاروی کی سربراہی میں ڈپٹی کمانڈر فیلڈ سے گفتگو کرتے ہوئے آرمی چیف نے کہا کہ کرتار پور راہداری پاکستان کی مذہبی آزادی اور ہم آہنگی کے لیے غیر متزلزل عزم کا عملی مظہر ہے۔ وفد نے لاہور کا دورہ کیا جہاں معززین نے واہگہ بارڈر پر پرچم اتارنے کی تقریب دیکھی۔ وفد نے شاہی قلعہ لاہور، علامہ اقبال کے مزار اور بادشاہی مسجد کا دورہ کیا۔
اطلاعات کے مطابق کے دوران برطانوی سکھ فوجیوں نے ملک میں کئی مذہبی مقامات کا دورہ کیا جن میں دربار حضرت میاں میر، حویلی نونہال سنگھ، گوردوارہ جنم استھان گرو رام داس، سمادی رنجیت سنگھ، گودوارہ ڈیرہ صاحب، کرتار پور کوریڈور، ننکانہ صاحب اور ڈیرہ پنجہ صاحب شامل تھے۔اا
آئی ایس پی آر کے مطابق برطانوی فوج کے سکھ وفد نے ضلع اورکزئی کا بھی دورہ کیا اور سمانہ قلعہ، لاک ہارٹ فورٹ اور سارہ گڑھی یادگار کا مشاہدہ کیا۔ یہ وہ جگہ تھی جہاں 1897 میں برطانوی مہم کے ایک حصے کے طور پر 21 سکھ سپاہیوں نے اپنی جانیں دی تھیں اور سکھوں کے لیے اس کی تاریخی اہمیت ہے۔
وفد نے سارہ گڑھی یادگار پر پھولوں کی چادر چڑھائی۔ وفد نے قبائلی اضلاع میں امن اور معمول پر لانے کے لیے پاکستان کی مسلح افواج کی کوششوں کو سراہا۔
