سیالکوٹ :پسرور لنڈا بازار میں رات گئے دکان میں آگ لگ گئی،ریسکیو نے آگ کو پھیلنے روک دیا

سیالکوٹ، باغی ٹی وی(سٹی رپورٹر شاہد ریاض)تحصیل پسرور نزد جناح گیٹ لنڈا بازار میں رات گئے دکان میں آگ لگنے کی اطلاع پرریسکیورز نے بروقت کاروائی کر کے آگ پر قابو پالیا اورآگ کو بازار میں مزید پھیلنے سے روک دیا۔

آگ دکان میں شارٹ سرکٹ کے باعث لگی۔ تنگ گلیوں کے باعث ریسکیورز کو آپریشن میں مشکل سامنا کرنا پڑا،ریسکیورز نے 1200 فٹ ہوز کھول کے فائر فائٹنگ کی جس کے باعث آگ پر بروقت قابو پا کے مزید دکانوں میں پھیلنے سے روک دیا گیا۔ دکان کے اندر کپڑا موجود تھا۔

ریسکیو سیفٹی آفیسر انچارج تحصیل پسرور بھی موقع پر موجود رہے اور آپریشن کی کمانڈ کی۔ دکان مالک یاسر کے مطابق آگ لگنے سے 2کروڑ کا نقصان ہوا جبکہ ریسکیو کی بروقت کاروائی سے 10کروڈ مالیت کا سامان اور بازار کو بچا لیا گیا۔