اسلام آباد ایئرپورٹ پر 4 سالہ بچی تیسری منزل سے گر کر جاں بحق ، ایئرپورٹ پرخوشیاں لینے آئے غم لے گئے

اسلام آباد:اسلام آباد ایئرپورٹ پر 4 سالہ بچی تیسری منزل سے گر کر جاں بحق ، ایئرپورٹ پرخوشیاں لینے آئے غم لے گئے،اطلاعات کےمطابق وفاقی دارالحکومت کے اسلام آباد انٹرنیشل ایئرپورٹ پر 4 سالہ بچی کھیلتے ہوئے تیسری منزل سے نیچے گر گئی، بچی کو اسپتال لے جایا گیا تاہم وہ دم توڑ گئی۔

مختلف ممالک میں 10 ہزار 896 پاکستانی قید،وزیراعظم نے رپورٹ مانگ لی

تفصیلات کے مطابق افسوسناک واقعہ اسلام آباد انٹرنیشل ایئر پورٹ پر پیش آیا جب والدین کے ساتھ آنے والی 4 سالہ بچی تیسری منزل (لیول) سے دوسری منزل پر گر پڑی۔ذرائع کا کہنا ہے کہ بچی کھیلتے ہوئے نیچے گری، انتظامیہ نے فوری طور پر سول ایوی ایشن کے ڈاکٹرز کو طلب کرلیا۔

باکمال لوگ ، لاجواب سروس ، کے کوئٹہ میں‌ کمالات کی انوکھی کارروائی

ترجمان پمز کے مطابق بچی اسپتال پہنچنے سے پہلے ہی دم توڑ چکی تھی، بچی کے سر پر چوٹ آئی جو خاصی شدید تھی اور وہی اس کی موت کا سبب بنی۔ ان کے مطابق بچی اسلام آباد کی ہی رہائشی تھی۔

بھارتی فوجی پھسل پھسل کرپاکستانی سرحد میں گرنے لگے

خیال رہے کہ نیو اسلام آباد انٹرنیشل ایئر پورٹ کا سنہ 2018 میں افتتاح کیا گیا تھا، ایئرپورٹ خاصا وسیع ہے اور جدید طرز پر تعمیر کیا گیا ہے تاہم مذکورہ واقعہ حفاظتی اقدامات میں کمی کی نشاندہی کرتا ہے۔