خانیوال: ظلم کی ایک اور داستان رقم، زمیندار کا نوجوان پر بدترین تشدد،انسانیت کانپ اٹھی
خانیوال:خانیوال: ظلم کی ایک اور داستان رقم، زمیندار کا نوجوان پر بدترین تشدد،اطلاعات کے مطابق خانیوال میں ظلم کی ایک اور داستان رقم کر دی گئی، نواحی علاقہ بنگل والا میں زمیندار نے پرانی دشمنی پر نوجوان قیصر کو اغوا کرکے وحشت ناک تشدد کلہاڑی سے دونوں ٹانگیں کاٹنے کی کوشش کی اور چاقو سے سر کے بال اور مونچھیں کاٹ دی گئی۔
خانیوال نواحی علاقہ موضع بنگل والا میں پرانی دشمنی کے تنازعہ پر زمیندار نے نوجوان قیصر کو اغوا کرکے چاقو کے ساتھ سر کے بال اور آنکھوں کی بھنویں مونڈ کر ٹانگیں بھی کاٹنےکی کوشش کی جس سے اسکی ٹانگیں شدید زخمی ہوگئی نوجوان پر وحشیانہ تشدد کرتے رہے۔
مبینہ زمیندار اس وحشتناک عمل کی ویڈیو بھی بنواتا رہا تشدد کے بعد نوجوان کو شدید زخمی بے ہوشی کی حالت میں سڑک پر پھینک کر فرار ہوگئے جسے بعد ازاں تحصیل ہیڈکوارٹر ہسپتال کبیروالہ منتقل کیا گیا۔تشویشناک حالت کے باعث نظراسے ملتان نشتر ہسپتال منتقل کردیا گیا،
تھانہ صدر کبیروالہ پولیس کے مطابق ان دوگروپوں میں دشمنی چلی آرہی ہے، مضروب نوجوان کی طرف سے جیسے ہی تحریری درخواست آ جائے گی تو مقدمہ درج کرلیا جائے گا پولیس نے ملزمان کی گرفتاری کیلئے چھاپے مارنا شروع کردیے ہیں۔
