جڑانوالہ میں خاتون کےروپ میں بیوٹی پارلر چلانے والا شخص گرفتار

فیصل آباد:خاتون کاروپ دھارکر بیوٹی پارلرپرکام کرنےوالا نوجوان پکڑا گیا۔ مقامی تھانے کےپولیس نے پارلر پر چھاپہ مارا توارسلان نامی نوجوان لڑکیوں والےکپڑے پہنے ہوئےکام میں مصروف تھا جس پراسےحراست میں لےلیا گیا ۔ملزم کی تصاویربھی سوشل میڈیا پر وائرل ہو گئیں۔ جبکہ بیوٹی پارلر کی مالکہ موقع سےفرارہو گئی، پولیس نے مقدمہ درج کر کےتفتیش شروع کر دی۔

تفصیلات کے مطابق شہریوں کی طرف سے شکایت ملی تھی کہ ڈاکخانہ بازار میں نازیہ نامی خاتون نے ایف کنول بیوٹی پارلر کھول رکھا ہے جہاں پر خواتین اپنے بنائو سنگھار کیلئے آتی ہیں اور مذکورہ خاتون نے نوجوان ارسلان کو خواتین کے کپڑے پہنا کر خواتین کو دھوکہ دیتے ہوئے میک اپ کرواتی ہے جس پر تھانہ سٹی جڑانوالہ کے ایس آئی ظفر خان نے چھاپہ مارا تو بیوٹی پارلر کی مالکہ نازیہ بی بی موقع سے بھاگ گئی جبکہ وہاں پر خاتون کا روپ دھار کر خواتین کا میک اپ کرنے والے نوجوان ارسلان کو پکڑ لیا اور اسکی درگت بنانے کے بعد حوالات میں بند کر دیا اور اس کے خلاف 354 اور 420 ت پ کے تحت مقدمہ درج کر کے تفتیش شروع کر دی۔

اس حوالے سے ترجمان پنجاب پولیس نے بھی بیان جاری کیا ہے۔پنجاب پولیس نے سماجی رابطے کی ویب سائٹ ٹویٹر پر تصاویر شئیر کرتے ہوئے بتایا کہ فیصل آباد پولیس نے لڑکی کے بھیس میں بیوٹی پارلر چلانے والے ملزم کو گرفتار کر لیا۔ ملزم ایک خاتون کے ساتھ مل کر عورت کے روپ میں پارلر چلا رہا تھا۔ملزم کے خلاف مزید قانونی کاروائی جاری ہے۔

فیصل آباد پولیس نے لڑکی کے بھیس میں بیوٹی پارلر چلانے والے ملزم کو گرفتار کر لیا۔ ملزم ایک خاتون کے ساتھ مل کر عورت کے روپ میں پارلر چلا رہا تھا۔مزید قانونی کاروائی جاری ہے۔ https://t.co/S9FL03Hq40 pic.twitter.com/feFz6J3hJt

— Punjab Police Official (@OfficialDPRPP) November 21, 2022

تصاویر سوشل میڈیا پر وائرل ہونے کے بعد صارفین کی جانب سے بھی سخت برہمی کا اظہار کیا گیا اور ملزم کے خلاف سخت سے سخت کارروائی عمل میں لانے کا مطالبہ کیا گیا۔

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات