وزیراعلیٰ پنجاب کے لیے معروف شخصیت کانام سامنے آگیا

چندی گڑھ: وزیراعلیٰ پنجاب کے لیے معروف شخصیت کانام سامنے آگیا ،اطلاعات کے مطابق بھارتی پنجاب میں بھی ’تبدیلی‘آگئی ہے اورااب تو پنجاب میں ایسا وزیراعلیٰ‌ آرہا ہے جس کوہرکوئی جانتا ہے ،

اطلاعات ہیں‌ کہ وزیراعظم عمران خان کے دوست نوجوت سنگھ سدھو کو بھارتی وزیراعلیٰ پنجاب بنائے جانے کا امکان ہے۔

بھارتی میڈیا کے مطابق کانگریس پارٹی میں اختلافات کی وجہ سے بھارتی پنجاب کے وزیراعلیٰ امریندرسنگھ نے استعفی دیا۔یہ استعفی ریاستی الیکشن سے ایک ماہ قبل انہوں نے گورنر سے ملاقات کے دوران دیا۔

بھارتی میڈیا کے مطابق کانگریس پارٹی کی طرف سے وزیراعظم عمران خان کے دوست اور سابق کرکٹر نوجوت سنگھ سدھو کو وزیراعلیٰ پنجاب بنائے جانے کا امکان ہے۔

میڈیا سے گفتگو کرتے ہوئے کیپٹن امریندر سنگھ کا کہنا تھا کہ میں اپنی تضحیک محسوس کر رہا تھا، کانگریس پارٹی کی تیسری میٹنگ کے دوران استعفی دیا۔ میں نے کانگریس صدر سونیا گاندھی سے ٹیلیفون پر رابطہ کیا اور کہا کہ میں اپنے عہدے سے مستعفی ہو رہا ہوں۔