سابق صدرپرویزمشرف کے لیے آوازاٹھانا بھی ناگوار، وزیراعظم کے ساتھیوں کے خلاف توہیں عدالت کی درخواست دائر

اسلام آباد:وفاقی وزراء اوراٹارنی جنرل کے خلاف توہیں عدالت کی درخواست دائر،تفصیلات کے مطابق سابق آرمی چیف جنرل پرویز مشرف کی سزا کے فیصلے کے خلاف بولنے پر دو وفاقی وزراء اور اٹارنی جنرل دیگر کے خلاف سپریم کورٹ میں توہین عدالت کی درخواست دائر کردی گئی۔

ایڈوکیٹ شبیر حسین نےدرخواست میں موقف اختیار کیا کہ17 اور 18 دسمبر کو فریقین نے نہ صرف عدالت کا تمسخر اڑایا بلکہ فاضل جج کی بھی تضحیک کی اور نفرت انگیز بیانات دیے۔ فریقین نے فیصلہ دینے والے جج اور عدلیہ کی آزادی پر حملہ کیا۔پریس کانفرنس کرنےوالے تمام افراد کیخلاف آئین کے آرٹیکل 204 کے تحت توہین عدالت کی کارروائی اور عوامی عہدوں کے لیے نااہل قرار دیاجائے۔

درخواست ایڈوکیٹ شبیر حسین کی جانب سے دائر کی گئی ہے۔درخواست میں میڈیا چینلز کو بھی فریق بنایا گیا ہے اور بتایا گیا ہے کہ متعلقہ افراد کو عوامی عہدوں کیلئے نااہل قرار دینے کی استدعا کی گئی ہے۔

درخواست میں کہا گیا ہے کہ قانون کے تحت کسی بھی شخص کو جج کو اسکینڈلائز کرنے یا فیصلے کی بنیاد پر تضحیک کرنےکا اختیار نہیں,متعلقہ تمام افراد نے فیصلہ دینے والے جج اور عدلیہ کی آزادی پر شدید قسم کا حملہ کیا،نامعلوم وجوہات کی بنا پر اداروں کو لڑانے اور بحران پیدا کرنے کی مذموم کوشش کی,حکومتی افراد کی جانب سے مفرور مجرم کی حمایت کرنا خلاف قانون ہے۔