مقابلے میں 200 مرد ایک 24 سالہ لڑکی سے ہارگئے ، مرد منہ دکھانے کے بھی قابل نہ رہے
برلن : ہمت ہو تو ایسی ہو ، جب مرد بھی کسی جزبے کے سامنے بے بس ہوجائیں تو پھر داد ضرور دینا چاہیے . ایسا ہی ایک واقعہ جرمنی میں پیش آیا جہاں24 سالہ کینسر ریسرچر فیونا کولبنگر نے 4 ہزار کلو میٹر کی سائیکل ریس میں 200 مردوں اور مجموعی طور پر 264 افراد کو شکست دے کر تاریخ رقم کردی۔فیونا کولبنگر یورپ میں ہونے والی ’ٹرانس کانٹی نینٹل سائیکل ریس‘ جیتنے والی پہلی خاتون بن گئیں۔
جرمنی کے ذرائع ابلاغ نے اس ریس کے بارے میں معلومات دیتے ہئوے کہا ہے کہ یہ ریس یورپی ملک بلغاریہ سے شروع ہوئی تھی جو فرانس پر آکر ختم ہوئی اور یہ ریس مجموعی طور پر 10 دن تک جاری رہی۔ یہ ریس بلغاریہ سے شروع ہوکر دیگر8 یورپی ممالک سے ہوتی ہوئی فرانس پر آ کر اختتام پذیر ہوئی۔
کھیل سے وابستہ مغربی میڈیا کے مطابق یہ ریس بلغاریہ، آسٹریا، بوسنیا، کروشیا، اٹلی، کوسووو، سربیا، سلوینیا اور سوئٹزرلینڈ سے ہوتی ہوئی فرانس پر آکر ختم ہوئی اور اس ریس کا فاصلہ تقریبا 4 ہزار کلو میٹر پر مشتمل تھا۔اس ریس میں شامل ہونے والے افراد کو پہلے سے آخری ملک تک پہنچنے کےلیے اپنی مرضی کا راستہ اختیار کرنا پڑتا ہے، تاہم انہیں اپنی مرضی کے راستے اختیار کرنے کے باوجود ریس کے قوائد پر چلنا پڑتا ہے۔اس سے قبل اسی ریس کو 2016 میں جیتنے والے شخص نے سب سے زیادہ یعنی ساڑھے 4 ہزار کلو میٹر کا فاصلہ طے کیا تھا۔
